संपूर्णपणे स्वयंचलित असलेल्या ‘टेस्ला’च्या गाड्यांची चर्चा भारतीय ऑटोमोबाइल क्षेत्रात आधीपासूनच होती. मात्र मंगळवारी ही प्रतीक्षा संपली आणि मुख्यमंत्री देवेंद्र फडणवीस यांनी ‘टेस्ला’च्या ‘अनुभव केंद्रा’चे उद्घाटन केले. ‘टेस्ला’ने लवकरच भारतात त्यांचे संशोधन आणि विकास व बांधणी केंद्र उभारावे. ‘टेस्ला’ नक्कीच त्याबाबत गांभीर्याने विचार करेल, अशी प्रतिक्रिया या वेळी मुख्यमंत्र्यांनी व्यक्त केली.
ठाण्यातील नोकरदारवर्ग ‘अ‍ॅप’आधारित बससेवा बंदीमुळे त्रस्त; अवैध प्रवासी वाहतूक रोखण्याची मागणी
भारताने इलेक्ट्रिक वाहनांना प्राधान्य दिले असतानाच ‘टेस्ला’चा भारतीय बाजारपेठेतील प्रवेश कंपनीसाठी फायद्याचा ठरू शकतो, अशी अटकळ ऑटोमोबाइल क्षेत्रातील तज्ज्ञ व्यक्त करतात. सध्या भारतीय बाजारपेठेत दरवर्षी विकल्या जाणाऱ्या गाड्यांपैकी दोन टक्के गाड्या इलेक्ट्रिक आहेत. पण हे प्रमाण वर्षागणिक वाढत असल्याचे चित्र आहे.
वाहनचालकांनो सावधान! ‘ई-चलान’चा मिळताजुळता मेसेज पाठवून होतेय फसवणूक, कशी घ्या खबरदारी
‘टेस्ला’ इंडिया सुरुवातीला भारतात मॉडेल वाय गाड्यांची विक्री सुरू करणार आहे. या गाड्यांची किंमत ७० हजार अमेरिकन डॉलर्स किंवा ५९ लाख ८९ हजार रुपये असेल. तसेच या गाडीचे सर्वात महागडे मॉडेल भारतीय बाजारपेठेत ६७ लाख ८९ हजार रुपये किमतीला उपलब्ध होणार आहे. अमेरिकन बाजारपेठेतील ‘टेस्ला’च्या किमतीशी तुलना करता ही किंमत तिप्पट आहे. भारतात आयात केलेल्या गाड्यांवर ७० ते ११० टक्के कर आकारला जात असल्याने ही किंमत जास्त आहे.

‘टेस्ला’ची ही ईव्ही गाडी बीएमडब्ल्यू आणि मर्सिडिज बेन्झ या कंपन्यांच्या गाड्यांना टक्कर देईल. त्याचा परिणाम महिंद्रा अँड महिंद्रा, टाटा मोटर्स, आदी कंपन्यांच्या गाड्यांच्या विक्रीवर होण्याची शक्यता कमी असल्याचेही ऑटोमोबाइल तज्ज्ञ सांगतात. मात्र, या गाडीमुळे भारताच्या ईव्ही गाड्यांच्या बाजारपेठेत नक्कीच सुधारणा होईल, असाही विश्वास व्यक्त होत आहे.