पावसाळ्यामुळे पर्यटक मोठ्या संख्येने येत आहेत. नेरळ पूर्वेत राहणारे प्रल्हाद पाटील पत्नी व मुलांना घेऊन मारुती वॅगनारने फिरण्यासाठी निघाले होते. कर्जत-कल्याण मार्गावर पेशवाई मार्गावर त्यांच्या गाडीला अपघात झाला. समोरून येणाऱ्या टेम्पोला साईड देताना गाडी खड्ड्यात उलटली.
Mumbai Local: रेल्वेमार्गावर मृत्युसापळा; साडेसात वर्षांत मध्य रेल्वेवर लोकलमधून पडून 2709 प्रवासी मृत्युमुखी
कशेळे-शिलार मार्गावरही मोठे खड्डे आहेत. भिवंडीहून आलेले अमित चोनी आपल्या मैत्रिणीसोबत कर्जत फिरण्यासाठी आले होते. खड्डा चुकवताना त्यांच्या गाडीला अपघात झाला. गाडी रस्त्याच्या बाजूला झुडपात उलटली. ते किरकोळ जखमी झाले. कर्जत तालुक्यात खड्ड्यांमुळे नागरिक त्रस्त आहेत. “कर्जतचा विकास आम्ही केला म्हणणारे लोकप्रतिनिधी यांचा विकास खड्ड्यात हरवला का?” असा प्रश्न विचारला जात आहे.
Pune Accident News: दुचाकी घसरली अन् ट्रेलरखाली येऊन HR चा अंत, 3 महिन्यांपूर्वी झालेलं लग्न; पुण्यातील थरारक अपघाताचा VIDEO
दरम्यान, भारतीय हवामान खात्याच्या अतिवृष्टीच्या इशाऱ्याच्या पार्श्वभूमीवर मंगळवार (दि.१५) रायगड जिल्ह्यातील अलिबाग, रोहा, तळा, महाड, पोलादपूर तालुक्यांतील सर्व शाळा व महाविद्यालयांना सुट्टी जाहीर करण्यात आली आहे. रायगड जिल्ह्याचे जिल्हाधिकारी किशन जावळे यांनी सुट्टीचे आदेश जारी केले आहेत. जिल्हाधिकारी किशन जावळे यांनी आदेशात नमूद केले आहे की,भारतीय हवामान खात्याने दिलेल्या पूर्वसूचनेनुसार दिनांक १५/०७/२०२५५ रोजी रायगड जिल्ह्याला अतिवृष्टीचा रेड अलर्टचा इशारा देण्यात आला आहे.

रायगड जिल्ह्यामध्ये रात्रभर माणगांव, तळा, रोहा, पाली, महाड, पोलादपूर या भागात मुसळधार पाऊस झाल्यामुळे, सद्यस्थितीत वादळी वाऱ्यासह सुरु असलेला पाऊस व समुद्रास असणाऱ्या भरतीमुळे कुंडलिका या नदीने इशारा पातळी ओलांडली आहे. उपविभागीय अधिकारी माणगांव, रोहा, महाड यांच्या दिनांक १५/०७/२०२५ रोजी दिलेल्या अहवालाचे अवलोकन पाहिले असता माणगांव, तळा, रोहा, पाली, महाड, पोलादपूर या तालुक्यातील सर्व माध्यमाच्या शाळा व महाविद्यालये यांना दि. १५/०७/२०२५ रोजी सुट्टी जाहिर करणे आवश्यक आहे.