नोट प्रेसने सन २०२२-२३ मध्ये भरतीप्रक्रिया राबविली होती. डमी परीक्षार्थी संशयित रवी रंजन कुमार, संदीप कुमार, शिशुपाल कुमार, आयुष राज, राजीव सिंग, संदीप कुमार व आशुतोष कुमार (सर्व रा. नालंदा, बिहार) यांनी काही उमेदवारांची शैक्षणिक बनावट कागदपत्रे तयार करून प्रेसमध्ये नोकरी मिळविल्याचे तपासात उघड झाले होते.
Nashik News: बिऱ्हाड आंदोलनास चढणार धार; आज नव्याने शेकडो आंदोलक होणार नाशकात दाखल
प्रेसचे उपव्यवस्थापक विक्रमसिंग सूर्यकांत चौधरी यांनी उपनगर पोलिसांत तक्रार दिल्यानंतर विविध कलमांखाली गुन्हा दाखल झाला होता. आता पनवरने गैरमार्गाने नोकरी मिळवून पात्र उमेदवारांना वंचित ठेवून फसवणूक केल्याचे निष्पन्न झाल्याने दुसरा गुन्हा दाखल झाला आहे.
अंधश्रद्धेचा कळस! कावीळ झालेल्या महिलेवर मांत्रिक ‘फादर’चे उपचार, मंतरलेलं तेल दिलं अन्…
असा झाला उलगडा…
नाशिकरोड नोट प्रेसने कनिष्ठ टेक्निशियन (मुद्रण/नियंत्रण तसेच कार्यशाळा/इलेक्ट्रिकल) आणि पर्यवेक्षक या पदांसाठी मार्च २०२२ ते मार्च २०२३ या कालावधीत पवई येथील आयटी पार्कलगतच्या केंद्रात भरती परीक्षा घेतली होती. त्यात संशयित सात जणांनी डमी परीक्षार्थींना केंद्रावर पाठवले. त्यांनी उमेदवारांच्या जागी परीक्षा दिली आणि उत्तीर्ण होऊन गलेलठ्ठ पगाराची नोकरी मिळवली. त्यांनी अंतिम परीक्षा व निवड प्रक्रियेत बनावट आयटीआय संस्थेचे प्रमाणपत्र, डिप्लोमा इन इंजिनीअरिंग इलेक्ट्रिकलचे प्रमाणपत्र सादर केले. प्रेसने नियमित तपासणी केली असता काही उमेदवारांचे कागदपत्रे संशयास्पद आढळली. अंतर्गत चौकशीत फसवणूक झाल्याचे स्पष्ट झाले.