राज्य सरकारने इंडियन मेडिकल असोसिएशनच्या (आयएमए) विरोधानंतर होमिओपॅथी डॉक्टरांची महाराष्ट्र वैद्यकीय परिषदेमध्ये करण्यात येणारी नोंदणी थांबवली आहे. सरकारने होमिओपॅथी डॉक्टरांच्या नोंदणीबाबत निर्णय घेण्यासाठी अभ्यास समिती स्थापना केली असून समितीच्या अहवालानंतर नोंदणीचा निर्णय घेण्यात येणार आहे. या निर्णयानंतर आयएमएने संप मागे घेण्याची घोषणा केली.

Pune News : नऊच्या आत ऑफिसात! पुणे महापालिका आयुक्तांनी छडी उगारली, वरिष्ठ अधिकाऱ्यांच्या वेळेत मोठे बदल, लंचब्रेकची वेळही नवीनहोमिओपॅथी डॉक्टरांनी औषधशास्त्र या विषयाचा एक वर्षाचा ‘सीसीएमपी’ हा ‘ब्रिज कोर्स’ पूर्ण केल्यावर त्यांना महाराष्ट्र वैद्यकीय परिषदेकडे नोंदणी करता येईल, असा आदेश राज्य सरकारने काढला होता. या निर्णयाची १५ जुलैपासून अमंबजावणी करण्यात येणार होती. या निर्णयामुळे राज्यात ॲलोपॅथी आणि होमिओपॅथी या दोन पॅथींच्या डॉक्टरांमध्ये वाद निर्माण झाला होता. राज्य सरकारच्या या निर्णयाविरोधात ‘आयएमए’ने फेब्रुवारीमध्ये उच्च न्यायालयात याचिका दाखल केली होती.

SCERT Schedule: तिसरी भाषा वेळापत्रकातून हद्दपार, ‘एससीईआरटी’कडून नव्या शैक्षणिक वर्षासाठी नवे वेळापत्रक जाहीरहे प्रकरण न्यायालयात प्रलंबित असतानाही सरकारने नोंदणीला परवानगी कशी दिली असा आक्षेप आयएमएने घेतला होता. या निर्णयाला विरोध करत २४ तासांचा संप करण्याचा इशारा आयएमए’ने दिला होता. मुंबई येथे आयएमएच्या पदाधिकाऱ्यांनी मुख्यमंत्री देवेंद्र फडणवीस यांची भेट घेतली. त्यानंतर आयएमएने संप मागे घेतल्याची घोषणा केली. वैद्यकीय शिक्षण विभागानेही शुक्रवारी समिती स्थापन करण्याचे आदेश काढले.

तसेच समितीचा अहवाल येईपर्यंत नोंदणी थांबविण्याचे जाहीर केले. अभ्यास समितीमध्ये सात सदस्यांचा समावेश करण्यात आला आहे.

वैद्यकीय शिक्षण विभागाचे आयुक्त यांना अध्यक्ष करण्यात आले आहे. महाराष्ट्र आरोग्य विज्ञान विद्यापीठाच्या कुलगुरू, वैद्यकीय शिक्षण विभागाचे संचालक, आयुष मंत्रालयाचे संचालक, महाराष्ट्र वैद्यकीय परिषदेचे प्रबंधक, महाराष्ट्र होमिओपॅथी परिषदेचे प्रबंधक, महाराष्ट्र आरोग्य विज्ञान विद्यापीठाचे प्रबंधक यांची समितीमध्ये सदस्य म्हणून नियुक्ती करण्यात आली आहे.