मयत महिलेचा भाऊ संजय जीवन पंढरे (वय 49) याने कोपरगाव शहर पोलीस ठाण्यात तक्रार केल्यानंतर हा प्रकार उघडकीस आला आहे. तक्रारीत म्हटले की, बहीण वनिता विश्वनाथ हरकळ ही खडकी येथे वास्तव्यास होती. १ जुलैला प्रकृती बिघडल्याने तिला डॉक्टर फुलसौंदर यांच्याकडे दाखल करण्यात आले होते. तपासण्या आणि एक्स-रे नंतर डॉक्टरांनी स्पष्ट सांगितले की, कावीळ झाली आहे. फुफ्फुसांवरही परिणाम झाला आहे, तातडीने उपचार घ्या.
Pune News : पुण्यात खळबळ, खडकवासला धरणाच्या जंगलात तरुण-तरुणीची बॉडी सापडली, दोघांच्या शेजारी….
पण यापुढे जो प्रकार घडला तो अंगावर शहारा आणणारा आहे. वनिताच्या घरात त्यावेळी उपस्थित असलेल्या चर्चमधील ‘फादर’ चंद्रशेखर गौडा यांनी धक्कादायक विधान करत सांगितलं की वनिताला कुठलाही आजार झालेला नाही. औषध नाही, मंत्र लागेल मी तेलावर मंत्र करतो, तेच पुरेसं आहे.

फादरने पॅरेशूट तेलाची बाटली बाहेर काढली. त्या बाटलीवर हात ठेवला, काही मंत्र म्हटले, पाणी शिंपडले आणि वनिताला सांगितलं हे तेल कपाळाला लाव. त्रास झाला तर हेच तेल प्या, औषधाची गरज नाही. धक्कादायक म्हणजे वनिताने खरोखरच ते तेल पिलं, त्याच रात्रीपासून तिची प्रकृती ढासळू लागली. ४ जुलैला तिला लोणी येथील प्रवरा रुग्णालयात दाखल करण्यात आले. 5 दिवस मृत्यूशी झुंज दिल्यानंतर ९ जुलैला वनिताचा मृत्यू झाला.

वनिताचे बंधू संजय पांढरे यांनी आपल्या तक्रारीत स्पष्टपणे नमूद केलं आहे की, फादर चंद्रशेखर गौडा यांच्या अंधश्रद्धा पसरवणाऱ्या, बेजबाबदार आणि धोका निर्माण करणाऱ्या कृतीमुळेच वनिता यांना वेळेवर वैद्यकीय उपचार मिळाले नाहीत आणि ज्यामुळे तिचा प्राण गेला.

शहर पोलिसांकडून गंभीर दखल

कोपरगाव शहर पोलीसांनी या प्रकरणाची गंभीर दखल घेत तपास सुरू केला असून, महाराष्ट्र अंधश्रद्धा निर्मूलन कायद्यानुसार (Black Magic Act) फादर चंद्रशेखर गौडा यांच्यावर कारवाई केली आहे. घटनेचा पुढील तपास कोपरगाव शहर पोलीस निरीक्षक रामकृष्ण कुंभार यांच्या मार्गदर्शनाखाली सुरू आहे.