संजय राऊत यांनी शेअर केलेल्या व्हिडीओमध्ये संजय शिरसाट यांच्याकडे असलेल्या बॅगेत नोटांचे बंडल पाहायला मिळत आहे. त्यामुळे आता विविध चर्चांना उधाण आले आहे. शिरसाट हे बेडरूममध्ये बसलेले दिसत आहेत. त्यांच्या बाजूला एक बॅग पडलेली दिसत आहे आणि या बॅगेत नोटांचे बंडल दिसत आहे. यावेळी ते फोनवर देखील बोलत आहे. संजय राऊत यांनी शेअर केलेल्या या व्हिडीओनंतर मोठी खळबळ उडाली.
Sanjay Raut : शिंदे शाहांच्या भेटीला दिल्लीत गेले आणि… राऊतांचे खळबळजनक दावे, म्हणतात ते शंभर टक्के…व्हायरल व्हिडीओनंतर संजय शिरसाट यांनी यावर प्रतिक्रिया दिली आहे. शिरसाटांनी म्हटले की, संजय राऊतांनी आजही भुंकण्याचे काम केले आहे. सकाळी उठले की, एकनाथ शिंदे, दुपारी एकनाथ शिंदे, मेळावा असले की, एकनाथ शिंदे. संजय राऊतांनी त्यांच्या मनातील मळमळ आज बाहेर काढलीये. मला वाटते की, त्यांची हातपाय बांधून त्यांना हॉस्पिटलमध्ये घेऊन जावे की, काय? अशी परिस्थिती निर्माण झालीये. मला वाटते की, अशा मुर्ख माणसासाठी तुम्हीही वेळ घालू नये.

पुढे बोलताना संजय शिरसाट यांनी म्हटले, यांचे काम बडबडने आहे. व्हिडीओमध्ये जे घर आहे ते माझं आहे आणि मी माझ्या बेडरूममध्ये बसलोय. बाजूला माझा लाडका कुत्रा तिथे आहे आणि अजून एक बॅग तिथे आहे. याचा अर्थ असा होतो की, मी कुठल्यातरी प्रवासातून आलोय आणि माझ्या बेडवर बसलोय. अरे मुर्खांनो जर एवढी मोठी पैशांची बॅग ठेवायची असेल तर आलमाऱ्या मेल्या आहेत का? त्या बॅगमध्ये नोटा आहेत तर आलमाऱ्यांमध्ये ठेवला असत्या ना…यांना पैशांशिवाय काहीच दिसत नाही.

मुख्यमंत्री देवेंद्र फडणवीस यांची मला दया येते!स्वतःच्या अब्रूचे आणखी किती धिंडवडे ते फक्त पाहात बसणार आहेत?हतबलतेचे दुसरे नाव फडणवीस!⁦@Dev_Fadnavis⁩ pic.twitter.com/9PH2HDH5IW

— Sanjay Raut (@rautsanjay61) July 11, 2025

आता यांना कपडे ठेवायला बॅगा लागत नाही तर पैसे ठेवायला लागतात. माझ्या बेडरूममध्ये मी कुठून तरी आलोय आणि बॅग ठेवली तर याची बातमी होते. माझं घरं काही मातोश्री 2 नाहीये. माझ्या मतदार संघातील लोकांना विचारा. कोणीतरी हा व्हिडीओ काढला असेल, त्याबद्दल माझे काहीही म्हणणे नाहीये. शिवसेना प्रमुखांनी आम्हाला शिकवले आहे की, कार्यकर्ता म्हणून राहा नेता होऊ नका, त्याच भूमिकेमध्ये आम्ही आहोत, असेही शिरसाटांनी म्हटले आहे.