बांगलादेशमधील 31 वर्षीय तरुणाला किडनीचा त्रास असल्याने तो पुण्यातील ‘नोबल हॉस्पिटल’ मध्ये दाखल झाला होता. त्याच्यावर डायलिसिसद्वारे उपचार सुरू होते. तरुणाला आयजीए नेफ्रोपॅथी (बर्जर्स डीसीज) या आजार असल्याचे निदान तपासणीत झाले. आयजीए नेफ्रोपॅथी या दुर्मीळ स्थितीत शरीरातील रोगप्रतिकारशक्ती प्रतिपिंड (अँटीबॉडी) तयार करते. यामुळे टाकाऊ पदार्थ बाहेर टाकण्याच्या मूत्रपिंडाच्या क्षमतेवर परिणाम होतो. कालांतराने मूत्रपिंड निकामी होते. त्यामुळे प्रत्यारोपण हा एकमेव मार्ग उरतो.
पुढील 7 दिवसांत माफी न मागितल्यास…; अजित पवारांना शिवीगाळ, हाकेंना कोर्टात खेचण्याचा इशारा
‘या रुग्णाच्या कुटुंबात केवळ आई मूत्रपिंड दान करू शकत होती. मात्र, रुग्णाचा रक्तगट बी पॉझिटिव्ह आणि आईचा एबी पॉझिटिव्ह होता. बी पॉझिटिव्हसाठी ‘बी’ किंवा ‘ओ’ रक्तगट असलेले दाते असणे गरजेचे होते. रक्तगट जुळत नसताना प्रत्यारोपण केल्यास शरीर नवीन अवयव नाकारण्याची जोखीम असते. त्यामुळे रुग्णाच्या प्रतिपिंडाच्या बाबतीत चाचण्या घेण्यात आल्या. त्यानंतर विशिष्ट प्रकारचे इंजेक्शन देऊन प्रतिपिंड निर्माण करण्याची क्षमता कमी करण्यात आली; तसेच रक्तातील सद्यस्थितीतील प्रतिपिंड शरीराबाहेर काढण्यासाठी प्लाझ्मा फेरेसिस ही प्रक्रिया करण्यात आली. प्रत्यारोपणाच्या पूर्ण प्रक्रियेत शरीर नवीन अवयव नाकारणे, रोगप्रतिकारक शक्ती कमी होणे ही जोखीम होती. त्यामुळे सर्व प्रकारची काळजी घेण्यात आले,’ असे ‘नोबल हॉस्पिटल’चे प्रत्यारोपण चिकित्सक डॉ. अविनाश इग्नाशिअस यांनी सांगितले.
Pune Crime : जादू बघा जादू! हातातील अंगठी तोंडात टाकली अन्… पुण्यात नारायण पेठेत धक्कादायक प्रकार समोर
डॉ. राकेश शिंदे, डॉ. विक्रांत सातव, डॉ. शशिकांत भनगे, डॉ. शार्दुल दाते, डॉ. संगीता चंद्रशेखर, डॉ. नीलेश वसमतकर, डॉ. बी. डी. बांदे यांनी प्रत्यारोपणाची शस्त्रक्रिया यशस्वी केली.