एकाच महिन्यात, एकाच रस्त्यावर तब्बल २५ अपघात झाल्याने भाजप आमदार अमोल जावळे चांगलेच आक्रमक झालेले पाहायला मिळाले. इंदूरवरून जळगावला जाणाऱ्या एका खाजगी बसचा रविवारी सकाळी आमोदा इथल्या मोर नदी पात्रात बस पलटी होऊन अपघात झाला. यामध्ये जवळपास २५ प्रवासी जखमी झाले असून एक महिला प्रवासी दगावली असल्याची माहिती आहे. चालकाचे नियंत्रण सुटल्याने अपघात घडला असावा असा अंदाज वर्तविला जात आहे. मात्र याच रस्त्यावरती गेल्या महिन्याभरात तब्बल २५ अपघाताच्या घटना घडल्या असून याबाबत रावेर विधानसभेचे आमदार अमोल जावळे यांनी तात्काळ घटनास्थळी भेट देऊन अपघातग्रस्त बसची पाहणी केली आणि प्रवाशांची विचारपूस केली.
