राज्याचे उपमुख्यमंत्री एकनाथ शिंदे यांच्याविरोधात सोशल मीडियावर अक्षेपार्ह फोटो आणि पोस्ट व्हायरल झालीये. या आक्षेपार्ह पोस्टमुळं कल्याणमधील शिंदे समर्थक संतापल्याचं पाहायला मिळालं. त्यांनी थेट पोलीस स्टेशन गाठून आक्षेपार्ह पोस्ट करणाऱ्या व्यक्तीविरोधात तक्रार दाखल केली. दरम्यान पोस्ट करणाऱ्या व्यक्तीचं नाव रोहन पवार असल्याचं समोर आलं असून तो महाराष्ट्र नवनिर्माण सेनेचा पदाधिकारी असल्याचा दावा करण्यात येतोय.
