शुक्रवारी संध्याकाळी ७ वाजता रेल्वे दक्षता पथकाकडे माहीम स्थानकाच्या फलाट क्रमांक एकवरील तिन्ही यूटीएस खिडक्यांवर पाहणी करण्यासाठी पोहोचले. यावेळी खिडकी क्रमांक पाचवर विनोद दवांगे नावाची रेल्वे कर्मचारी नसलेली व्यक्ती तिकिटे देताना आणि सरकारी रोख रक्कम हाताळताना त्यांनी पाहिले. त्याच्याकडे या कामासाठी कोणतीही अधिकृत परवानगी नव्हती, असे पथकाच्या तपासात दिसून आले.
Central Railway: ‘रिंग रेल्वे’चा प्रस्ताव यार्डात, गर्दी विभागण्याच्या उपायाबाबत मध्य रेल्वे अनुत्सुक
साडेआठ वाजण्याच्या सुमारास पथकाने स्टेशन मास्टरच्या उपस्थितीत बुकिंग कार्यालयात प्रवेश केला. यावेळी चीफ बुकिंग सुपरवायझर अंगद देविदास ढवाले, शिफ्ट इनचार्ज रामाशंकर आर. आणि दोन बुकिंग क्लर्क गणेश पाटील व विजय देवडीगा हे चारही कर्मचारी एका खोलीत बसून नाश्ता करत असल्याचे आढळले. याच वेळी विनोद दवांगे हा तिकीट विक्री करत होता.

रेल्वे कर्मचाऱ्यांच्या सांगण्यावरून नियमितपणे रेल्वे कर्मचारी नसलेल्या विनोद दवांगे याने तिकीट काउंटर चालवत असल्याचे कबूल केले आहे. त्याच्याकडून २,५६० रुपये जप्त करण्यात आले. ते सरकारी खात्यात जमा करण्यात आले आहे. खिडकी क्रमांक पाच आणि सहा मधून अनुक्रमे ३४ रुपये आणि ४५ रुपयांची अतिरिक्त सरकारी रोख रक्कमही दक्षता पथकाला तपासणीत सापडली.

रेल्वे प्रशासनाने चारही कर्मचाऱ्यांना तत्काळ निलंबित केले असून आरोपी विनोद दवांगे याला आरपीएफकडे सोपवले आहे. या प्रकरणी आरपीएफने तपास सुरू केला आहे. मात्र अद्याप कोणतीही अटक झालेली नाही, असे पश्चिम रेल्वे अधिकाऱ्यांनी सांगितले.