मुंबईला पाणीपुरवठा मोडकसागर, तानसा, मध्य वैतरणा, विहार, तुळशी आणि राज्य सरकारच्या अप्पर वैतरणा, भातसा धरणांतून होतो. १६ जून २०२५ला धरणातील पाणीसाठा ८.६० टक्के झाला होता आणि त्याच दिवसापासून पाण्याची गरज भागवण्यासाठी मुंबईकरांसाठी राखीव पाणीसाठा वापरण्यास महापालिकेने सुरुवात केली. त्यानंतर धरणक्षेत्रात दमदार पाऊस झाला आणि २० जूनला हाच पाणीसाठा २५ टक्केपर्यंत पोहोचला. त्यानंतरही धरणक्षेत्रात पाऊस सुरूच आहे. चार जुलैपर्यंत सात धरणांतील पाणीसाठा ५०.७५ टक्के झाला आहे. सातही धरणांची साठवण क्षमता १४ लाख ४७ हजार ६३ दशलक्ष लिटर असून आता सात लाख ३४ हजार ५६२ दशलक्ष लिटर पाणीसाठा झाला आहे. मोडकसागर, मध्य वैतरणा, भातसा या धरणक्षेत्रात चांगलाच पाऊस पडत आहे.
Chandrakant Patil: पुणे ‘मिसिंग लिंक’वरुन भडकले चंद्रकांत पाटील; म्हणाले, भुतासारखा मागे लागेन…
या पावसामुळे यंदा धरणातील पाणीसाठा वाढू लागला आहे. गेल्या वर्षी याच कालावधीत पाणीसाठा ८.५९ टक्के आणि २०२३ मध्ये १७.६६ टक्के पाणीसाठा होता. त्यामुळे यंदा मोठी वाढ आहे.

राखीव साठा वापरणे बंद
राज्य सरकारच्या अखत्यारितील अप्पर वैतरणा धरणातून राखीव कोट्यातील ६८ हजार दशलक्ष लिटर पाणी आणि भातसातून एक लाख १३ हजार दशलक्ष लिटर पाणी उपलब्ध करण्याची मंजुरी मिळाली होती. त्यापैकी फक्त अप्पर वैतरणातील पाणीसाठा वापरण्यास सुरुवात केली. मात्र धरणातील पाणीसाठा वाढल्याने राखीव साठा वापरणे बंद करण्यात आले आहे.
राज्यात दोन महिन्यांत 479 शेतकऱ्यांनी संपवलं जीवन; विदर्भ, मराठवाड्यात चिंताजनक स्थिती, काय सांगते आकडेवारी?
सात धरणातील पाणीसाठा (टक्केवारीत)
अप्पर वैतरणा —–६६.३८
मोडक सागर —–६३.१७
तानसा —–४८.८५
मध्य वैतरणा —–५९
भातसा —–४२.१३
विहार —–४३.०८
तुळशी —–४०.३२