विद्युत तारेच्या संपर्कात येत विद्यार्थीनीचा अंत

बुलढाणा जिल्ह्यातील सिंदखेड राजा तालुक्यातील निमगाव वायाळ गावातील मन हेलावून टाकणारी हृदयद्रावक घटना ३ जुलै रोजी सकाळी घडली. तेरा वर्षीय समृद्धी वायळ ही इयत्ता सातवीतील विद्यार्थिनी घरासमोर असलेल्या नळावर पाणी भरायला गेली होती. त्यावेळी ती अचानक विद्युत प्रवाहाच्या संपर्कात आली आणि जागीच तिचा विजेच्या धक्क्याने दुर्दैवी मृत्यू झाला. मुलीला रुग्णालयात नेत असतानाच तिचा मृत्यू झाल्याचं डॉक्टरांनी जाहीर केलं. या घटनेने संपूर्ण गावावर शोककळा पसरली आहे.
Chhatrapati Sambhajinagar : घराच्या छतावर गेली, केबलला हात लागला आणि आक्रीत घडलं; १६ वर्षीय मुलीचा दुर्दैवी शेवट

सकाळी पाणी भरताना अनर्थ घडला

दररोज प्रमाणे गुरुवारी सकाळी समृद्धी शाळेसाठी तयार होत होती. त्यावेळी ती घरातील रोजचं पाणी भरण्याचंही काम करत होती. ती घरासमोर असलेल्या नळावर पाणी भरायला गेली होती. मात्र तिथेच तिचा घात झाला. नळाजवळ असलेल्या विजेच्या तारेचा तीव्र शॉक लागल्याने ती नळाजवळच कोसळली. या घटनेमुळे तिचे आजोबा आणि काही शेजारी घाबरून तिला उचलून किनगाव राजा येथील खाजगी रुग्णालयात घेऊन गेले. मात्र डॉक्टरांनी तपासणी करुन तिला मृत घोषित केलं.

अभ्यासात हुशार, सर्वांची लाडकी समृद्धी ही हिवरखेड पूर्णा येथील विजय मखमले विद्यालयात इयत्ता सातवीत शिकत घेत होती. शाळेतील शिक्षक, वर्गमित्र आणि गावकऱ्यांमध्ये तिची चांगली ओळख होती. शाळएत खेळात, इतर उपक्रमामध्येही ती नेहमी अग्रेसर असायची. समृद्धीच्या अचानक निधनाने संपूर्ण निमगाव वायाळगाव परिसरात शोककळा पसरली आहे. शाळेतही तिच्या निधनाने दु:ख व्यक्त केलं जात आहे. अभ्यासू, शिस्तप्रिय आणि सर्वांना आपली वाटणाऱ्या समृद्धीबद्दल शाळेतील शिक्षकांनी दुःखद भावना व्यक्त केल्या आहेत.