आंतरमशागतीचा खर्च परवडत नसल्याने लातूर जिल्ह्यातील हडोळती येथील वृद्ध शेतकरी शेतकरी अंबादास पवार यांनी स्वतःलाच औताला जुंपून घेतले आणि पत्नी मुक्ताबाई पवार यांच्या मदतीने कपाशीची कोळपणी केल्याची बातमी तीन दिवसांपूर्वी समोर आली… या बातमीनंतर आज सकाळी अभिनेता सोनू सूद यांनी शेतकरी अंबादास पवार यांचा नंबर मला द्या, मी बैलजोडी देतो अशा आशयाचे एक ट्विट करीत मदतीचा हात पुढे केला… या ट्विट नंतर सूद यांच्या टीमला शेतकरी पवार यांचा मोबाईल नंबर मिळाला आणि यानंतर त्यांनी वयोवृद्ध शेतकरी पवार दांपत्याशी फोनवर चर्चा केली… यावेळी येत्या शनिवारपर्यंत बैल जोडी पाठवून देण्याचे आश्वासन त्यांनी दिल्याची माहिती शेतकरी अंबादास पवार आणि मुक्ताबाई पवार यांनी दिली.