मिळालेल्या माहितीनुसार, पुलाची शिरोली येथे बनुताई शंकर बोडके (वय 78) आणि शंकर बोडके हे वृद्ध पती-पत्नी राहतात, तर मुलगा बजरंग शंकर बोडके आणि सून रूपाली बजरंग बोडके हे जवळच आपल्या मुलासह राहतात. बनुताई यांच्या मुलीचा काही वर्षापूर्वी अपघाती मृत्यू झाला होता. मृत मुलीच्या विम्याचे 5 लाख रुपये हे बनुताई यांच्या बँक खात्यात जमा झाले होते. या पैशाची हाव सुटलेल्या बजरंग शंकर बोडके आणि रूपाली बजरंग बोडके या मुलगा आणि सुनेनेच वयोवृद्ध आई-वडिलांची फसवणूक केली.

Kolhapur News : रंगेल शिक्षकाला गावकऱ्यांनी बदडलं, विद्यार्थिनींची छेड काढल्याप्रकरणी सहाय्यक शिक्षकावर कठोर कारवाईचे मुश्रीफांचे आदेश

एटीएम, गुगल पे, चेक व आरटीजीएस करून दोन नातवांच्या नावावर एफडी करतो असे सांगून त्यांनी बनुताई यांच्या बँक खात्यातून 4 लाख 87 हजार रुपये परस्पर काढून घेतले. वर्षभराच्या कालावधीत मुलगा आणि सुनेने वृद्ध दाम्पत्याची अशा पद्धतीने फसवणूक केली. बनुताई शंकर बोडके यांच्या ही गोष्ट लक्षात येताच त्यांनी मुलगा बजरंग शंकर बोडके व सुन रूपाली बजरंग बोडके यांच्याविरोधात शिरोली एमआयडीसी पोलिसात तक्रार दाखल केली आहे.

दरम्यान, या प्रकरणी तक्रार दाखल करण्यात आली असून, पुढील तपास सुरू आहे. या प्रकरणाचा अधिक तपास वरिष्ठ अधिकाऱ्यांच्या मार्गदर्शनाखाली केला जात आहे. मात्र, पोलिसांनी अद्याप कोणती कारवाई केलेली नाही. त्यामुळे शिरोली परिसरात याप्रकरणी संतापाची लाट पसरली आहे. तर आई-वडिलांचा विश्वासघात करून मुलाने आणि सूनने अशी फसवणूक केल्याने स्थानिक नागरिकांमधून आश्चर्य व्यक्त केलं जात आहे.