बुलढाणा जिल्ह्याच्या लगत असलेल्या जालना जिल्ह्यातील घनसावंगी तालुक्यातील कुंभार पिंपळगाव येथील सुरेश तुकाराम आर्दड (वय वर्ष 30) रा. राजा टाकळी यांच्यावर जुन्या वादातून गावठी पिस्तूल आणि कुऱ्हाडीच्या धाकावर अपहरण करून निर्घृण खून करण्यात आला. खून केल्यानंतर सुरेश आर्दड यांचा मृतदेह बुलढाणा जिल्ह्यात नेऊन फेकून देण्यात आला. जालना आणि बुलढाणा जिल्ह्यातील पोलिसांकडून आरोपीचा तपास सुरू असून याप्रकरणी चार जणांविरुद्ध गुन्हा दाखल झाला आहे.
Buldhana News : बंद बंगला, काहीवेळ आरडाओरडा, क्षणात भयाण शांतता… बुलढाणा हादरलं, माजी सैनिकासोबत भयंकर घडलं
शनिवारी रात्री दहा वाजताच्या सुमारास कुंभार पिंपळगाव बाजार समिती समोरून सुरेश आर्दड (वय 33) राहणार राजा टाकळी यांचे चार जणांनी अपहरण केले होते. गावठी पिस्तूल आणि कुऱ्हाडीच्या धाकावर सुरेश यांना पांढऱ्या रंगाच्या कार मध्ये बसून अज्ञात दिशेने देण्यात आले. रविवारी सकाळी बुलढाणा जिल्ह्यातील तळेगाव टाकरखेडा रोडवरील एका शेतात सुरेश यांचा मृतदेह आढळून आला.
Buldhana News : नरकापेक्षा भयंकर यातना! ज्याने सात जन्माचं वचन दिलं त्यानेच ‘त्या’ व्यवसायासाठी पाठवलं, नकार देताच.. बुलढाणा हादरलं
चार आरोपींवर गुन्हा दाखल करत याप्रकरणी फिर्यादी सुभाष लळीत राव आर्दड जे सुरेश यांचे चुलत भाऊ आहे त्यांनी दिलेल्या तक्रारीवरून हरी कल्याण तौर, सखाराम उर्फ खन्ना बाप्पा साहेब आर्दड दोघेही राहणार राजा टाकळी मिनाज बाबामिया सय्यद राहणार कुंभार पिंपळगाव आणि एक अज्ञात चालक या आरोपीविरुद्ध धनसावंगी पोलीस ठाण्यात गुन्हा दाखल झाला आहे.

सुरेश आर्दड यांचा मृतदेह बुलढाणा जिल्ह्यातील सिंदखेड राजा तालुक्यातील किनगाव राजा पोलीस ठाण्याच्या हद्दीत आढळून आला याबाबत किनगाव राजा पोलिसांनी मृत व्यक्तीची ओळख पटवून पुढील तपासणी केली यानंतर मृतदेह नातेवाईकांच्या ताब्यात देण्यात आला आहे. नेमकं आधी अपहरण आणि नंतर हत्या या मागचं नेमकं कारण काय व त्यानंतर लगतच्या जिल्ह्यात मृतदेह फेकण्याच्या मागचं गूढ काय आणि यामागे इतर काही कारण आहे का याचा तपास सध्या पोलीस तपास करत आहे.