मुलगा बेपत्ता झाल्याची तक्रार

अरग येथील २१ वर्षीय तरुण शनिवारी संध्याकाळी बेपत्ता झाला होता. त्याच्या कुटुंबियांनी रविवारी मिरज ग्रामीण पोलिस ठाण्यात मुलगा बेपत्ता झाल्याची तक्रार दाखल केली. तक्रारीच्या आधारे पोलिसांनी तपास सुरू केला आणि असे आढळून आले की त्याच गावातील तरुणाचे दोन मित्र त्याच्यासोबत शेवटचे दिसले होते. हे तिघेही जवळच्या बेलंकी गावात एका लग्नापूर्वीच्या समारंभात सहभागी झाले होते.
‘आई, मी वैतागलोय, मुलीवर लक्ष ठेव’; नागपुरच्या व्यापाऱ्याची नदीत उडी पण तितक्यात…

मुलांनी बेदम मारहाण केली

निरीक्षक अजितकुमार सिद म्हणाले, “मुलं लग्नसमारंभात दारू प्यायले. तीथून परत येताना ते बेलंकी रोडजवळील तलावाजवळ थांबले. तिथे मृत मुलाच्या दोन अल्पवयीन मित्रांनी त्या तरुणाशी शारीरिक संबंध ठेवण्याचा प्रयत्न केला. अशाप्रकारचे समलैंगिक संबंध ठेवण्यास त्याने नकार दिला. त्यानंतर चिडलेल्या दोन्ही मुलांनी त्याला बेदम मारहाण केली आणि तलावाच्या पाण्यात ढकलून दिले.”
Delhi Crime: बाबा! मला पावसात जाऊ दे; लेकराचा हट्ट अन् त्याच्यातील राक्षस जागा झाला, किचनमध्ये गेला…
अर्धमेला झाल्याने आणि तलावाच्या खोलीचा अंदाज न आल्याने पीडित तरुण तलावात बुडाला. सोमवारी सकाळी पोलिसांना एका तरुणाचा मृतदेह तलावाच्या पाण्यात तरंगत असल्याची माहिती मिळाली. माहिती मिळताच पोलिस घटनास्थळी हजर झाले आणि त्यांनी मृतदेह ताब्यात घेतला. त्यानंतर मृताचा मृतदेह पोस्टमॉर्टेमसाठी पाठवण्यात आला. “पोस्टमॉर्टेम रिपोर्ट मिळाल्यानंतर, शारीरिक संबंध ठेवण्यात आले कि नाही हे पडताळून पाहू शकतो.” असे पोलिस अधिकाऱ्यांनी सांगितले.

अंदाजे १७ वर्षांच्या अल्पवयीन मुलांनी तोंडी कबूल केले की त्यांनी दारूच्या नशेत हा प्रयत्न केला होता. सापडलेल्या मृतदेहावर जखमांच्या खुणा आहेत. “दोन्ही आरोपी अल्पवयीन असून रोजंदारी कामगार आहेत. ते तीघेही एकमेकांना बऱ्याच काळापासून ओळखतात आणि एकाच गावातील आहेत,” असे अधिकाऱ्याने पुढे सांगितले. अधिकाऱ्यांनी सांगितले की ते अल्पवयीन मुलांचा पूर्वीपासून समलिंगी संबंधांकडे कल होता का याचाही तपास करत आहेत.