ही घटना उघडकीस येताच बीडकरांच्या पायाची आग मस्तकात तर गेली असून नराधम प्राध्यापक विजय पवार आणि प्रशांत खाटोकर याला तात्काळ अटक करावी , त्याने अजून किती विद्यार्थिनी सोबत असे कृत्य केले आहे याची कसून चौकशी व्हावी, यासह विविध मागण्यांसाठी दुसऱ्या दिवशी संतप्त झालेल्या सामाजिक संघटना आणि पालकांनी उमाकिरण शैक्षणिक संकुलास घेराव घालून जोरदार घोषणाबाजी केली. प्राध्यापक विजय पवार याला चपलेचा हार घालून गाढवावर बसून तोंडाला काळे फासून त्याची गाढवावरून धिंड काढली पाहिजे अशा संतप्त प्रतिक्रिया उपस्थित सामाजिक संघटना आणि पालकांनी दिल्या.
Beed Crime : ‘सगळे गेले की सर मला कॅबिनमध्ये थांबवून कपडे काढायला लावायचे, अन्…’; अल्पवयीन विद्यार्थिनीच्या तक्रारीने बीड हादरलं
नीच प्राध्यापक विजय पवार यांच्या विरोधात जिल्ह्यातच नाही तर सर्वत्र संतापाची लाट निर्माण झाली आहे. तर दुसरीकडे या गंभीर प्रकरणाची महिला आयोगाने ही गंभीर दखल घेतली असून अल्पवयीन मुलीचा विनयभंग प्रकरणी उमा किरण क्लासेस आरोपी निश्चित होईपर्यंत सदर क्लासेसची इमारत सील ठेवण्यात यावी तसेच सीसीटीव्ही फुटेज ताब्यात घ्यावेत आणि फरार आरोपींचा शोध घेण्यासाठी कसून प्रयत्न व्हावे तसेच क्लासेसच्या इतर मुलींनी तक्रार केल्यास त्यांची दखल घेण्यात यावी असे आदेश पोलिसांना दिले आहेत. त्यामुळे आता दुसरीकडे महिला आयोगाने या दोन शिक्षकांविरोधात आता कारवाईचा फास आवळल्याचे दिसून येत आहे.
मुलगा जिवंत पाहिजे असेल तर 50 हजार रुपये टाका…पैशाच्या वादातून तरुणाचे अपहरण, बीडमधील धक्कादायक प्रकार
आमदार संदीप क्षीरसागर यांचे निकटवर्तीय विजय पवार आणि खाटोकर सध्या फरार असून त्यांच्या मागावर पोलिसांची पथके रवाना झाल्याची माहिती मिळत आहे. तसेच उमाकिरण शैक्षणिक संकुल आणि प्राध्यापक विजय पवार संचालक असलेल्या ज्ञानेश्वर पब्लिक स्कूलच्या बाहेरही पोलिसांचा तगडा बंदोबस्त असल्याची माहिती मिळत आहे. दरम्यान या घटनेचा सोशल मीडियावर देखील निषेध केला जात असून आरोपी प्राध्यापक विजय पवार चे कोणकोणत्या नेत्यांसोबत लागेबांधे आहेत, बसणे उठणे आहे तसेच तो कोण कोणत्या नेत्यांचा कारभार पाहतो यांचे फोटो सोशल मीडियावर व्हायरल करून या घटनेबद्दल संतप्त प्रतिक्रिया नेटकऱ्यांमधून व्यक्त होताना दिसत आहेत.

प्रा.विजय पवार ने कोट्यवधीची माया कशी जमवली

प्राध्यापक विजय पवार याच्या काळया कारनाम्याने बीडच्या शिक्षण क्षेत्रात मोठी खळबळ उडाली असून प्राध्यापक विजय पवार हा किती नीच माणूस आहे हे आता विद्यार्थिनी सोबत वर्षभर लैंगिक छळ झाला त्या विद्यार्थिनीच्या पोलिसात दिलेल्या तक्रारीनंतर नीच विजय पवारचा खरा चेहरा समोर आला आहे. त्याने अनेक कारनामे केले असल्याची चर्चा सध्या दबक्या आवाजात सुरू आहे. त्याने अल्पावधीतच कोट्यावधीची माया जमवली आहे. त्याचे बार्शी रोडवर ज्ञानेश्वर पब्लिक स्कूल नावाचे इंग्लिश स्कूल आहे. त्यांच्या शहरात सर्वेश्वर मंदीर परिसर, आशा टॉकीज परिसर आणि उमाकिरण संकुलात अनेक नावाने कोचिंग क्लासेस आहेत.

बीड शहराच्या बाहेर अनेक तालुक्यात आणि जिल्ह्यात त्याचं कोचिंग क्लासेसचं जाळं विणलेलं आहे. या शिक्षण संस्थांच्या माध्यमातून प्रा. पवार हा चार विषयासाठी वनटाईम फी भरल्यास 72 हजार रुपये आकारात होता. त्याच्याकडे एकूण 5000 च्या आसपास विद्यार्थी क्लास करीत होते. म्हणजेच तो वर्षाकाठी एकट्या बीडमध्ये 36 कोटी रुपयांची फीस जमवत होता. बीड शहराच्या शिक्षण क्षेत्रात त्याचीच मोनोपल्ली चालत होती. इंग्लिश स्कुल चालकांना देखील तो गैरकृत्यांमध्ये मदत मिळवून द्यायचा. अनेक शिक्षकांना त्याने वेठबिगारासारखे राबवून घेत असे. शिवाय शहरातील एखादा क्लासचालक स्वतःचे क्लास वेगळ्या ठिकाणी चालवत असेल तर तो त्यालाही ऐनकेनप्रकारे त्रास देऊन त्यांच्यात बळजबरीने पार्टनरशीप करीत असल्याचे आता काही क्लास चालक दबक्या आवाजात बोलत आहेत.

ज्ञानेश्वर पब्लिक स्कूल आणि उमाकिरण शैक्षणिक संकुलाचा संचालक असलेल्या प्रा. विजय पवार हा एका मोठ्या राजकीय पक्षाचा कार्यकर्ता म्हणून काम करीत होता. अनेक राजकीय सभांचे नियोजन त्याच्याकडे असायचे. प्रशासनातील अधिकारी कर्मचारी यांच्यावर धाक निर्माण करून त्यांना भीती दाखवत अनेक कामे करून घ्यायचा असे चर्चाही आता दबक्या आवाजात अधिकारी कर्मचाऱ्यांमधून होत आहे. दरम्यान सध्या सोशल मीडियावर प्राध्यापक विजय पवार याचे ज्या नेत्यांसोबत जवळचे संबंध आहेत उठ बस आहे ज्यांचा कारभार पाहतो त्यांच्यासोबत असलेले फोटो नेटकरी आणि सामाजिक संघटना सोशल मीडियावर व्हायरल करून संताप व्यक्त करून केला जात आहे. त्यामुळे आता प्राध्यापक विजय पवार याचे राजकीय करिअर सुद्धा अडचणीत तर आलेच आहे त्याला आता तोंड दाखवायला जागा राहिली नाही.

उमाकिरण शैक्षणिक संकुलातील CCTVचा डीव्हीआर पोलिसांच्या हाती

ज्ञानेश्वर पब्लिक इंग्लिश स्कूल आणि उमाकिरण शैक्षणिक संकुलाचा संचालक विजय पवार आणि प्रशांत खटोकर विरोधात विद्यार्थिनीच्या तक्रारीवरून शिवाजीनगर पोलीस ठाण्यात पोक्सो अंतर्गत गुन्हा दाखल झाल्यानंतर जिल्हाभरात सर्वत्र संतापाची लाट निर्माण झाली आहे. त्यामुळे आता पवार आणि खाटोकरला अटक करण्यासाठी पोलिसांनी वेगाने तपास सुरू केला आहे. तसेच उमाकिरण शैक्षणिक संकुलाचा सीसीटीव्हीचा डीव्हीआर पोलिसांनी जप्त केला आहे. सीसीटीव्हीच्या डीव्हीआर मध्ये नेमके काय काय फुटेज आहेत याची तपासणी पोलिसांनी केल्यानंतरच नेमके काय समोर येते याकडे आता सर्वांचे लक्ष लागले आहे. तसेच पोलिसांनी घटनास्थळाचा पंचनामा देखील केला आहे. अनेक जिल्ह्यात आणि राज्यात पोलिसांची पथके रवाना झाली असून पवार आणि खाटोकारला अटक करण्यासाठी पोलिसांचे प्रयत्न सुरू आहेत.