ही महिला shaadi.com वर प्रोफाईल तयार करून विवाहासाठी इच्छुक होती. आरोपीने ‘ऑस्ट्रेलियन डॉक्टर’ असल्याचे भासवून तिची विश्वासार्हता मिळवली. तिच्या व्यवसायासाठी आंतरराष्ट्रीय फंडिंग मिळवून देतो, असा बहाणा करत सीटी बँक सिंगापूर व भारतातील बँकांमधून तिच्याकडून 3.60 कोटी रुपये उकळले. काही दिवस आरोपीने महिलेला खोटे बोलून फसवले.
डिलिव्हरी बॉयवर प्राणघातक हल्ला, आरोपींना काही तासात जामीन, नातेवाईकांचा संताप
अभिषेक शुक्ला लखनऊचा रहिवासी असल्याचे पोलीस तपासात स्पष्ट

3.60 कोटी उकळल्यानंतर आरोपीने महिलेसोबतचा संपर्क बंद केला. बनावट मेलद्वारे आरोपीच्या मृत्यूची खोटी माहिती तिला देण्यात आली. यानंतर महिलेच्या लक्षात आले की, आपली फसवणूक झाली. महिलेने अजिबात वेळ वाया न घालता लगेचच सायबर पोलिसांकडे धाव घेतली आणि तक्रार दिली. पोलीस तपासात आरोपीचे खरे नाव अभिषेक शुक्ला असून तो लखनऊचा रहिवासी असल्याचे स्पष्ट झाले.

पुणे सायबर पोलिसांची मोठी कारवाई

शुक्लाने shaadi.com वरून सुमारे 3, 194 महिलांशी संपर्क साधल्याचेही समोर आले आहे. पुणे सायबर पोलिसांकडून ही मोठी कारवाई पोलीस आयुक्त अमितेशकुमार यांच्या मार्गदर्शनाखाली झाली आहे. आरोपी भारतात दाखल होताच, पोलिसांनी त्याला मुंबई विमानतळावरूनच ताब्यात घेतले. आरोपीने अजून काही महिलांचीही फसवणूक केली का? याचा शोध हा पोलिसांकडून घेतला जातोय. आरोपी हा अनेक महिलांच्या संपर्कात असल्याचे स्पष्ट झाले आहे. आरोपी मुंबई विमानतळावर येत असल्याची माहिती मिळताच पोलिसांनी सापळा रचला आणि आरोपीला ताब्यात घेतले. आरोपीचे वय 42 आहे. शिवाय आरोपी हा जास्त करून घटस्फोटीत महिलांच्याच संपर्कात असल्याचे दिसत असल्याचे पोलिसांनी सांगितले आहे.