मंगला सूरज टेंभरे, वय 30 वर्षे, रा. तळवडे, मूळ रा. अमरावती, आणि जगन्नाथ पुंडलिक सरोदे, वय 55 वर्षे, रा. तळवडे, मूळ रा. अकोला, अशी खून झालेल्या दोघांची नावे आहेत, तर दत्तात्रय लक्ष्मण साबळे, वय 49 वर्षे, रा. म्हेत्रे वस्ती, चिखली, मूळ रा. राशीन, ता. कर्जत, जि. अहिल्यानगर, याला पोलिसांनी ताब्यात घेतले आहे. मृत मंगला यांना दोन मुले आहेत.

काय आहे प्रकरण?

देहूरोड पोलिस ठाण्याचे पोलिस निरीक्षक विक्रम बनसोडे यांनी दिलेल्या माहितीनुसार, मंगला, जगन्नाथ आणि दत्तात्रय हे तळवडे परिसरात राहत होते. मंगला आणि जगन्नाथ मजुरीचे काम करतात. दत्तात्रय मजूर पुरविण्याचे कंत्राट घेतो. मंगलाचे जगन्नाथ आणि दत्तात्रय या दोघांशीही विवाहबाह्य संबंध होते. मंगलाचे जगन्नाथ सोबतही प्रेमसंबंध असल्याची माहिती दत्तात्रयला मिळाली. त्याला त्याचा राग आला होता.

मंगळवारी रात्री मंगला आणि जगन्नाथ दोघे दारू पित बसले होते. मध्यरात्री दत्तात्रयने मंगला आणि जगन्नाथ यांचा दगडाने ठेचून खून केला. तळवडे येथील अमरजित जेधे यांचा दिगाटेक हा बांधकाम प्रकल्प असलेल्या मोकळ्या मैदानात दहा फूट अंतरावर खून केल्यानंतर दोघांचेही मृतदेह टाकले. त्यानंतर रात्री दोनच्या सुमारास त्याने स्वतःच याबाबत मंगलाचा पती सूरजला घरी जाऊन मंगला आणि जगन्नाथ हे दोघे अर्धनग्न अवस्थेत रक्ताच्या थारोळ्यात पडले असल्याची माहिती दिली. सूरज यांनी त्वरीत घटनास्थळी धाव घेतली.
Rene Joshilda : अहमदाबाद विमान अपघात माझ्यामुळे, प्रपोजल नाकारल्यामुळे सुडाने पेटलेल्या तरुणीचा ईमेल, चक्रावणारी कहाणी समोर
याबाबत माहिती मिळताच देहूरोड पोलिसही घटनास्थळी दाखल झाले. पोलिसांनी संशयावरून कंत्राटदार दत्तात्रयचा शोध सुरू केला. तो मूळ गावी पळून जात असल्याचे समजताच देहूरोड पोलिसांच्या पथकाने त्याला चिखलीतून एका तासात जेरबंद केले. त्याच्याकडे कसून चौकशी केली असता, त्याने खुनाची कबुली दिली. पोलिस उपायुक्त विशाल गायकवाड, स्वप्ना गोरे, सहायक पोलिस आयुक्त बाळासाहेब कोपनर यांनी घटनास्थळी भेट दिली.

दुसऱ्या लग्नानंतर दोनदा प्रेमसंबंध

मृत मंगला यांचे पहिले लग्न झाले होते. पहिल्या पतीपासून त्यांना दोन मुले आहेत. सन 2018 मध्ये पहिल्या पतीचे निधन झाल्यानंतर त्यांनी सूरज टेंभरे यांच्यासोबत दुसरे लग्न केले. पहिल्या पतीचा एक मुलगा त्यांच्यासोबतच राहत असे, तर दुसरा मुलगा गावी अमरावती येथे आजीकडे राहतो. तळवडे येथे मजुरीचे काम करताना मंगला यांचे जगन्नाथसोचत प्रेमसंबंध जुळले. त्यानंतर कंत्राटदार दत्तात्रय याच्यासोचतही त्यांचे संबंध जुळले.
Pune Crime : तलाठी पारधींची ‘लॉक्ड’ पांढरी कार जुन्नर पोलीस ठाण्यात, नातेवाईकांची चौकशी सुरु, मोठं गूढ उलगडणार
मंगला आणि जगन्नाथ दोघे नेहमी एकत्र दारू पित असत. मंगळवारी रात्रीही दोघे दारू पित बसले होते. पती सूरज रात्री मंगला यांना घरी येण्यासाठी बोलवायला गेले. मात्र, त्यांनी नकार दिला. त्यानंतर त्यांनी मुलगा अनिलला आईला घरी बोलावण्याकरिता पाठवले, परंतु तरीही त्या घरी गेल्या नाहीत, मंगला यांचे हे वागणे नेहमीचेच असल्याने सूरज आणि मुलगा दोघे घरी झोपी गेले. मध्यरात्री दत्तात्रयने मंगला आणि जगन्नाथ यांना नको त्या अवस्थेत पाहिले आणि रागाच्या भरात त्याने दगडाने ठेचून दोघांचा खून केला.