बुधवारी (२५ जून) सकाळी साडेदहा वाजण्याच्या सुमारास दौंडज ग्रामपंचायत व ग्रामस्थांनी पालखी सोहळ्याचे स्वागत केले. ११.४०च्या सुमारास पालखीचा नगारखाना व श्री संत ज्ञानेश्वर महाराज पालखी सोहळा वाल्हे नगरीच्या वेशीवर दाखल झाला. या वेळी वाल्हेचे सरपंच अतुल गायकवाड, वागदरवाडीचे सरपंच सुनील पवार, बजरंग पवार, अमोल खवले, दत्तात्रय पवार, महादेव चव्हाण, सागर भुजबळ, प्रवीण कुमठेकर, पिंगोरीचे माजी सरपंच जीवन शिंदे, प्रकाश शिंदे, अतुल नाझरे, सचिन देशपांडे, प्रा.संतोष नवले, संतोष भुजबळ, गोरख कदम, शंकर भुजबळ आदींसह पंचक्रोशीतील ग्रामस्थांनी व तरुणांनी, पुष्पवृष्टी करीत पालखीचे जोरदार स्वागत केले.
होर्डिंग्जसाठी राज्यात नवे धोरण लवकरच, महसूलमंत्री चंद्रशेखर बावनकुळेंची माहिती
पोलिस प्रशासनाच्या वतीने योग्य नियोजनामुळे सोहळा एका तासात सुकलवाडी फाट्याजवळील पालखी तळावर पोहचला. चोपदारांनी सूचना केल्यानंतर वैष्णवांच्या उपस्थितीत समाजआरती झाली. या वेळी प्रमुख विश्वस्त योगी निरंजननाथ, पालखी सोहळाप्रमुख डॉ. भावार्थ देखणे, विश्वस्त ॲड. राजेंद्र उमाप, पुरुषोत्तम दादा पाटील, कबीर महाराज, ॲड. रोहीणी पवार, बाळासाहेब चोपदार, रामभाऊ चोपदार, व्यवस्थापक ज्ञानेश्वर वीर, उपविभागीय अधिकारी वर्षा लांडगे, तहसीलदार विक्रम रजपूत, उपविभाग पोलिस अधिकारी तानाजी बरडे, गटविकास अधिकारी प्रणोती श्रीमाळ, जेजुरीचे सहायक पोलिस निरीक्षक दीपक वाकचौरे, डॉ. विक्रम काळे, भारत भिसे, जयेंद्र सुळ आदींसह पुरंदर तालुक्यातील अनेक प्रशासकीय अधिकारी उपस्थित होते.
सत्ताधाऱ्यांना चांदीच्या ताटात बसून, उपाशी पोटांचे दुःख कसे समजणार; वडेट्टीवारांची सरकारवर टीका
वैष्णवांचा मेळा उंडवडीत दाखल
जगद्‌गुरू तुकोबांची पालखी बारामती तालुक्यात
बारामती: पंढरीचा महिमा। देता आणिक उपमा । ऐसा ठाव नाही कोठे। देव उभा उभी भेटे ।। आहेती सकळ । तीर्थे काळे देती फळ । तुका म्हणे पेठ । भूमिवरी हे वैकुंठ ।। असे अभंग म्हणत विठूरायाच्या भेटीची आस… हाती टाळ… त्यात मृदंगाची साथ… हरीनामाचा गजर करत वारकऱ्यांनी रोटी घाट पार केला. भक्तिमय वातावरणात रोटी घाट सर करून जगद्‌गुरू संत तुकाराम महाराजांची पालखी बारामती तालुक्यात दाखल झाली.