संदीप शिंगाडे यांच्या पश्चात आई, वडील, पत्नी, अडीच वर्षांचा मुलगा आणि आठ वर्षांची मुलगी असा परिवार आहे. मृत शिंगाडे हे मूळ पिंपळगाव बसवंत येथील असून सध्या बोरगड, म्हसरूळ येथे वास्तव्यास होते. सन २००८ पासून पोलिस खात्यात कार्यरत असून, मागील चार वर्षांपासून शिंगाडे जलद प्रतिसाद पथकात चालक म्हणून सेवा देत होते.
सावधान! ‘या’ लक्षणांकडे दुर्लक्ष नको, राज्यात २३ लाखांहून अधिक लोकाचं बीपी हाय
शनिवारी सकाळी ‘क्यूआरटी’ पथकातील एकूण १४ कर्मचारी पांडवलेणी डोंगराच्या पायथ्याशी सरावासाठी गेले होते. व्यायामादरम्यान सकाळी सुमारे ८.४० वाजता शिंगाडे पाय घसरला. लगेचच त्यांना छातीत तीव्र वेदना जाणवू लागल्या. सहकाऱ्यांनी तत्काळ त्यांना पाथर्डी फाटा येथील खासगी रुग्णालयात दाखल केले. मात्र, तासाभरात त्यांचे निधन झाले.
मोठा दिलासा! भटके-विमुक्तांना आता राज्यात कुठेही मिळणार रेशन; जातप्रमाणपत्र, आधारसह १५ मागण्यांवर निर्णय
दुसरी घटना: सेवानिवृत्त एसीपीचा सिंहगड चढताना मृत्यू
सिंहगड किल्ल्यावर शनिवारी (१७ मे) सकाळी ट्रेकिंगसाठी गेलेले सेवानिवृत्त सहायक पोलिस आयुक्त राजकुमार गायकवाड (६२, रा. मार्केट यार्ड) यांचे हृदयविकाराच्या तीव्र झटक्याने निधन झाले. सिंहगडावरच ही घटना घडली.
गायकवाड सिंहगडाच्या पायथ्याच्या आतकरवाडीमार्गे गड चढत असताना त्यांना अचानक छातीत वेदना जाणवू लागल्या. त्यांनी तत्काळ सहकाऱ्यांना कल्पना दिली. त्यानंतर काही क्षणांतच ते जमिनीवर कोसळले. त्यांच्यासोबत असलेल्या डॉक्टरने तातडीने ‘सीपीआर’ देण्याचा प्रयत्न केला. मात्र, त्यांची प्रकृती खालावली.
घटनेची माहिती मिळताच वन विभागाच्या समाधान पाटील यांनी हवेली आपत्ती व्यवस्थापन ‘रेस्क्यू टीम’ला तातडीने कळवले. काही मिनिटांत ‘रेस्क्यू टीम’चे सदस्य घटनास्थळी दाखल झाले. गंभीर अवस्थेतील गायकवाड यांना रेस्क्यू व्हॅनमधून जवळच्या एका खासगी रुग्णालयात नेण्यात आले. तेथे उपचारादरम्यान त्यांना मृत घोषित केले. गायकवाड यांच्या अकाली निधनाने पोलिस विभागातही हळहळ व्यक्त करण्यात आली.