शरद पवारांनी सांगितले अटकेचे कारण काय?
कार्यक्रमामध्ये बोलताना शरद पवार म्हणाले की, संजय राऊतांनी जे 100 दिवस आर्थर रोड जेलमध्ये घालवले.ते लिखित स्वरुपात आपल्या समोर मांडले. कुणी गुन्हा केला आहे. केस झाली असेल. त्याचा निकाल लागला असेल तर असे संकट लोकांवर येते. त्यांना अटक करतात. संजय राऊतांनी काय केले होते. राऊत सामनात रोखठोक भूमिका मांडतात. त्यांची लेखणी काही लोकांना पटत नव्हती. ते अस्वस्थ होते. ते संधींची वाट पाहत होते. पत्राचाळ प्रकरणाने त्यांना संधी दिली.

ते पुढे म्हणाले, पत्राचाळीत कष्ट करणारे मध्यमवर्गीय लोक राहत होते. त्यांच्या निवाऱ्याचा प्रश्न निर्माण झाला. त्यांना घर मिळावी अशाप्रकारची मागणी त्यांच्याकडून होती. ते संजय राऊतांकडे पोहचले. त्याच्यामुळे संधी मिळाली त्यांच्या नेहमीच्या लिखाणाने दुखावले गेले होते अशा शासकीय यंत्रणेला. ईडीचे योगदान या प्रकरणात अधिक आहे. संजय राऊतांचा यांचा यथकिंचतही संबंध नसताना त्यांना गुतंवले.

58 कोटींची रक्कमजिथे अन्याय होतो. अत्याचार आहे. त्याच्याविरुद्ध संजय राऊत हे अखंडपणाने काम करत होते. शासकीय यंत्रणमध्ये जिथे भ्रष्टाचार आहे त्या भ्रष्टाचाराविरुद्ध ते नेहमीच लिहितात. मुंबई महाराष्ट्रात काही लोक चुकीचं काम करतात हे माहित असताना त्यांच्यासंबंधीची कारवाई होत नव्हती. खासदार म्हणून राऊतांनी देशाच्या प्रमुखांना यासंबंधीचे पत्र लिहिले. जे लोक शासकीय यंत्रणेशी भ्रष्टाचाराच्या मार्गाने संबंध ठेवातात अशा लोकांच्या मार्फत पैसे कसे गोळा केले जातात याचे सविस्तर लिखाण त्यांनी केंद्र सरकारला कळवले. त्यात 30 ते 35 लोक, कंपन्या होत्या. त्यांच्याकडून पैसे काढले गेले. ती रक्कम 58 कोटी पर्यंत होती. संजय राऊतांच्याकडे ही माहिती आल्यानंतर त्यांनी देशांच्या प्रमुख लोकांना ही माहिती लिखित स्वरुपात लिहिली. त्याचा परिणाम एकच झाला कारवाई झाली नाही.पण त्यांना अटक केली. आणि 100 दिवस त्यांना तुरुंगवास भोगावा लागला.