आयुष्यात कटू आठवणी येत असतात. आपण त्या अनुभव म्हणून घ्यायच्या असतात. या पुस्तकात रडगाणं नाही, अशा शब्दांत संजय राऊत यांनी त्यांच्या भावना बोलून दाखवल्या. ‘माझी काहीही चूक नसताना मला तुरुंगात टाकलं गेलं. काय झालं? मी आत गेलो आणि बाहेर आलो. ज्यानं मला पकडून आत टाकलं, त्याला पश्चाताप झाला. झक मारली आणि याला पकडलं, अशी त्याची अवस्था झाली असेल. ज्यांना विरोधी पक्षात काम करायचंय, त्यांनी माझं पुस्तक वाचावं. ज्यांना सत्तेत चाटूगिरी करायची, त्यांच्यासाठी हे पुस्तक नाही. महाराष्ट्र डरपोक नाही, हे या पुस्तकाचं सार आहे,’ असं संजय राऊत पुस्तक प्रकाशनावेळी म्हणाले.
Sanjay Raut: संजय राऊतांच्या ‘नरकातील स्वर्ग’ला भाजपचं ‘किंगमेकर क्रॉनिकल’ पुस्तकानं उत्तर; आजच प्रकाशन सोहळा
आर्थर रोडमधील दुरावस्थेवरही संजय राऊत यांनी त्यांच्या खुमासदार शैलीत बोट ठेवलं. ‘आर्थर रोड तुरुंगात एकदा आम्ही उभे होतो. तेव्हा आम्हाला तिथे ससे दिले. तुरुंगात ससे कुठून आले, असा प्रश्न एकाला विचारला. तेव्हा ते ससे नसून उंदीर असल्याचं समजलं. तुरुंगातील उंदीर अगदी सशासारखे दिसत होते. खाऊन पिऊन त्यांची तब्येत अगदी मस्त झाली होती. अनिल देशमुखांनी त्या सशांना नावंदेखील ठेवली होती. त्यांना काय नावं दिलेली, हे सांगणं आता ठीक दिसत नाही. ते राज्याचे मुख्यमंत्री आहेत. आपण मर्यादा पाळल्या पाहिजे,’ असा किस्सा राऊत यांनी सांगताच सभागृहात एकच हशा पिकला.
Sanjay Raut: दिवसभर वाट पाहत बसलेलो, पण…; संजय राऊतांनी तुरुंगातील अस्वस्थ करणारा दिवस सांगितला
‘आर्थर रोडमध्ये माझा मुक्काम कसाबच्या बराकमध्ये होता. जयंत पाटील यांनीच त्याची उभारणी केली होती. त्यावेळी ते मंत्री होते. मी बाहेर आल्यावर जयंत पाटील यांनी विचारलं, काय कसं वाटलं आतमध्ये? तुरुंग कसा आहे? मी म्हटलं ठीक आहे. तर हे म्हणतात, बराकचं काम मीच केलंय. तर असा हा माणूस. जयंतराव इंजिनीअर आहेत. त्यांनीच बांधलेल्या बराकमध्ये मला राहावं लागलं आणि हे मला विचारतात, कसं वाटलं आत,’ असा गमतीशीर किस्सा राऊत यांनी सांगितला आणि सभागृहात एकच खसखस पिकली.