गृहमंत्रालयाने याबाबतचे आदेश जारी केले असून या पदाचा अतिरिक्त पोलिस महासंचालक पदाचा दर्जा अवनत करून विशेष पोलिस महानिरीक्षक असा करण्यात आला आहे. आयपीएस अधिकारी आरती सिंह यांची गुप्तवार्ता सहआयुक्त म्हणून नियुक्ती करण्यात आली आहे.

राज्यात महाविकास आघाडी सरकार असताना, मुंबईचे पोलिस आयुक्त म्हणून विवेक फणसळकर यांची नियुक्ती करण्यात आली होती. त्यानंतर राज्यात सत्ताबदल झाला आणि शिंदे-फडणवीस सरकार स्थापन झाले. या सरकारने मुंबई पोलिस आयुक्तालयात विशेष पोलिस आयुक्त हे निर्माण केले आणि त्याजागी सध्याचे पोलिस आयुक्त देवेन भारती यांची नियुक्ती केली होती. मात्र भारती हे आयुक्तपदी विराजमान होताच, या पदावर कोण विराजमान होणार याबाबत पोलिस दलात उत्सुकता होती.

मात्र या पदावर कोणीही अधिकारी न आणता राज्य सरकारने विशेष पोलिस आयुक्तपद हे रद्द करून ते पोलिस सहआयुक्त असे करण्यात आले आहे. मुंबई पोलिस दलामध्ये गुन्हे, कायदा आणि सुव्यवस्था, प्रशासन, आर्थिक गुन्हे शाखा आणि वाहतूक असे पाच सहआयुक्त आहेत. आता आणखी एक सहआयुक्त यापुढे कार्यरत असणार आहे.
Pune Crime : चाकण अत्याचार प्रकरणात विवाहित तरुणाला अटक, निर्लज्जपणे म्हणतो, नाईट शिफ्टवर रस्त्याने जाताना ती दिसली आणि…

तीन अतिरिक्त आयुक्तांची पुण्याबाहेर बदली

राज्य पोलिस दलातील वरिष्ठ अधिकाऱ्यांच्या बहुप्रतीक्षित बदल्यांना सुरुवात झाली असून, शुक्रवारी पुणे पोलिस दलातील तीन अतिरिक्त पोलिस आयुक्तांची अन्यत्र बदली झाली; तर, पुणे ग्रामीण पोलिस अधीक्षक पंकज देशमुख यांची पुणे पोलिस दलात बदली झाली आहे.

पुणे पोलिस आयुक्तालयातील अतिरिक्त आयुक्त (प्रशासन) अरविंद चावरिया यांची अमरावतीच्या पोलिस आयुक्तपदी नियुक्ती झाली आहे. गुन्हे शाखेचे अतिरिक्त आयुक्त शैलेश बलकवडे यांची बृहन्मुंबई पोलिस दलात गुन्हे शाखेचे अतिरिक्त आयुक्त म्हणून नियुक्ती झाली. तर, अतिरिक्त आयुक्त प्रवीण पाटील यांची नागपूरला अतिरिक्त आयुक्तपदी बदली झाली आहे.
Devendra Fadnavis : आपले 105 तर निवडून आणायचेच, थोडक्यात गेलेल्या जागांवरही तयारीला लागा, फडणवीसांच्या बैठकीची इन्साईड स्टोरी
पुणे ग्रामीण पोलिस अधीक्षक राजेश देशमुख, नागपूरचे गुन्हे शाखेचे अतिरिक्त आयुक्त संजय पाटील, पोलिस बिनतारी संदेश वहन विभागाचे अधीक्षक राजेश बनसोडे यांची पुणे पोलिस दलात अतिरिक्त पोलिस आयुक्तपदी नियुक्ती झाली आहे. लातूर येथील पोलिस प्रशिक्षण केंद्राचे प्राचार्य विजय मगर यांची राज्य राखीव पोलिस दलाच्या (पुणे) उपमहानिरीक्षकपदी नियुक्ती झाली. राज्य गुन्हे अन्वेषण विभागाचे उपमहानिरीक्षक सारंग आवाड यांची पिंपरी-चिंचवडमध्ये अतिरिक्त आयुक्तपदी नियुक्ती झाली. मुंबईचे अतिरिक्त पोलिस आयुक्त (वाहतूक) एम. रामकुमार यांची महाराष्ट्र गुप्तवार्ता प्रबोधिनीच्या संचालकपदी नेमणूक झाली आहे.