अकोला एमआयडीसी परिसरातून बिअर घेऊन जाणारी गाडी…खडकी परिसरातील राष्ट्रीय महामार्गाच्या पुलावर पलटी झाली. यावेळी परिसरातील नागरिकांनी चालक व वाहकाला मदत…करण्याऐवजी बिअर लुटण्यासाठी धूम ठोकली होती. या अपघातात चालक व वाहक किरकोळ जखमी झाले. मात्र, अपघात पाहून मदतीस धावण्याऐवजी नागरिकांनी बिअर लुटण्यासाठी एकच झुंबड उडवली. जखमींना मदती ऐवजी लोक बिअरच्या पेट्या आणि बिअरच्या बाटल्या उचलण्यात गुंग होते. तर काही तळीरामांनी रस्त्यावरच बिअरचा आनंद लुटला. काही वेळाने पोलीस घटनास्थळी दाखल झाले आणि झुंबळ पळवली. मात्र तो पर्यंत बिअरची गाडी लुटून रिकामी झाली होती.