Chhatrapati Sambhaji Nagar News- छत्रपती संभाजीनगरमध्ये उद्योजकाच्या घरात दरोडा टाकत. तब्बल 8 किलो सोनं अन् 40 किलो चांदी व लाखो रुपयांची रोख रक्कम असा कोट्यावधी रुपयांचा ऐवज लंपास केला आहे.
कोण आहे संतोष लड्डा….
संतोष लड्डा हे बीड जिल्ह्यातील अंबाजोगाई या गावचे रहिवासी आहे. गेल्या पंधरा ते वीस वर्षांपासून ते छत्रपती संभाजीनगर मध्ये स्थायिक झाले आहे .शहरातील वाळूज परिसरामध्ये असलेल्या दिशा ऑटो प्रायव्हेट लिमिटेडचे ते मालक आहेत.समुद्रात लागणाऱ्या गॅस,ऑईल पाईपचे पार्ट त्यांच्या कंपनीमध्ये तयार होतात.
देखरेख करणाऱ्याला दाखवला पिस्तुलाचा धाक
दरम्यान संतोष लड्डा हे गेल्या ८ मे रोजी कुटुंबासह परदेशात गेले आहेत. त्यांच्या घराची देखरेख करण्यासाठी संजय झळके यांना जबाबदारी दिली. संजय झळके हे झोपले होते. पहाटेच्या सुमारास काही दरोडेखोर घरात शिरले त्यांनी झळके यांना पिस्तूल दाखवत हातपाय बांधले. यानंतर घरात शिरलेल्या दरोडेखोरांनी घरातील सोनं चांदी व रोख रक्कम चोरून नेली. दरम्यान पहाटे चार वाजेच्या सुमारास हा प्रकार उघडकीस आला. दरम्यान घटनेची माहिती मिळताच पोलीस उपायुक्त नितीन बगाटे, सहाय्यक आयुक्त संजय सानप, पोलीस निरीक्षक रामेश्वर गाडे यांच्यासह अधिकारी कर्मचारी घटनास्थळी दाखल झाले.
दरोडेखोर सीसीटीव्ही कॅमेऱ्यात कैद
घराजवळ आलेल्या दरोडेखोर सीसीटीव्ही कॅमेऱ्यात कैद झाले आहेत. दरम्यान संजय लड्डा हे गावी गेले आहे याची माहिती चोरट्यांना होती का? चोर आत कसे शिरले? जवळच्या व्यक्तींनी त्यांना माहिती दिली होती का? यासारखे अनेक प्रश्न या दरोड्याच्या निमित्ताने पडले आहेत. या संपूर्ण प्रश्नांची उत्तरे पोलीस शोध घेत आहेत.