गेल्या काही दिवसांपासून राष्ट्रवादीत मोठ्या प्रमाणात पडझड सुरु आहे. शरद पवार यांची राष्ट्रवादी काँग्रेस व अजित पवार यांची राष्ट्रवादी काँग्रेस पुन्हा एकत्र येणार का? अशी शंका वेळोवेळी उपस्थित केली जात असताना आता पुन्हा एकदा चर्चांना उधान आलंय.आज शरदचंद्र पवार गटातील नेत्याची एकत्र बैठक पार पडली आहे.या बैठकीनंतर शरद पवार गटाचे नेते जितेंद्र आव्हाड यांनी पत्रकार परिषद घेतली. यावेळी त्यांनी विविध विषयांवर भाष्य करत अजित पवार यांच्या वक्तव्यावर उत्तर दिलं.पक्षातील गळती थांबण्यासाठी एकत्रिकरणाबाबतचं पवार साहेबांनी वक्तव्य केलं.असं अजित पवार म्हणाले होते, यावर आव्हाडांनीही जशास तसं उत्तर दिलं आहे. ते म्हणाले, पवार साहेब नेता बनवणारा फॅक्टरी, गळतीला घाबरत नाही. त्यांनी याआधीचा इतिहास सांगत अजितदादांच्या विधानाला उत्तर दिलं आहे.