हा व्हिडिओ आहे मुंबईतील भांडूप परिसरातला… मुंबईत पुन्हा एकदा हिंदी आणि मराठी भाषेचा वाद दिसून आला. मुंबईतील भांडूप परिसरात पिझ्झा डिलिव्हरी बॉय आणि मराठी दाम्पत्यामध्ये वाद झाल्याचे समोर आले आहे. मराठीत बोल तरच पैसे देऊ म्हणत भांडूपमधील मराठी दाम्पत्याने पिझ्झा डिलिव्हरी बॉयसोबत वाद घातला आहे. भांडूपमधील साई राधे या सोसायटीमध्ये रोहित लेवरे नावाचा मुलगा पिझ्झा देण्यासाठी आला होता. सोमवारी रात्री (१२ मे) हा प्रकार घडला. डिलिव्हरी बॉयने ही संपूर्ण घटना त्याच्या मोबाईल फोनवर रेकॉर्ड केली. या व्हिडिओमध्ये ग्राहक फक्त मराठीत बोलावे लागेल असे म्हणत एक प्रकारे जबरदस्ती करत असल्याचे दिसत आहे. या वादानंतर डिलिव्हरी बॉयला पैसे न घेता परत जावे लागल्याची माहिती मिळतये. मात्र आता हा व्हिडिओ सोशल मीडियावर चांगलाच व्हायरल होत आहे….