सोहम सचिन शिंदे (वय १७) राहणार माऊली नगर कॉलनी साईदीप बिल्डिंग, दिघी असे खून झालेल्या तरुणाचे नाव असून या प्रकरणी दिघी पोलिसांनी तिघा आरोपींना ताब्यात घेतले आहे. याबाबत पोलिसांनी दिलेल्या माहितीनुसार, सोहम हा वडमुखवाडी येथील साई मंदिराजवळील केकिज शॉपीसमोर आपल्या मित्रांसोबत गप्पा मारत बसला होता.
Pune News : पुण्यात HSRP नंबर प्लेट बसवताना मोठा घोळ, एकाच गाडीसाठी दोन वेगळे नंबरतुला जिवंत सोडणार नाही म्हणत आरोपींनी केले सपासप वार

यावेळी आरोपी नामदेव उर्फ निलेश शिंदे, शुभम पोखरकर आणि सुमित शिंदे यांनी जुन्या भांडणाच्या कारणावरून सोहम याच्याशी वाद घातला. हा वाद इतका वाढला की, थेट आरोपींनी सोहमला शिवीगाळ करत तुला जिवंत सोडणार नाही अशी धमकी दिली आणि कोयत्याने त्याच्या डोक्यावर, छातीवर, पाठीवर आणि इतर भागांवर सपासप वार केले आणि त्याचा खून केला.

घटनेची माहिती मिळताच पोलिसांनी घेतली घटनास्थळी धाव आणि..

घटनेची माहिती मिळताच दिघी पोलिसांच्या पथकाने तातडीने कारवाई करत तिघा आरोपींना ताब्यात घेतले. सध्या पोलिसांकडून या हत्येचा तपास केला जातोय. माहितीनुसार, आरोपी आणि मृतक यांच्यात पूर्वी वाद होता आणि याच वादावरून त्याचा खून करण्यात आला, अशी प्राथामिक माहिती आहे. घटनेने परिसरात एकच खळबळ उडाली असून, स्थानिक नागरिकांमध्ये भीतीचे वातावरण आहे. यादरम्यान पोलिसांनी नागरिकांना शांतता राखण्याचे आणि अफवांवर विश्वास न ठेवण्याचे आवाहन केले आहे. पोलिसांनी तात्काळ या खून प्रकरणातील आरोपींना अटक केली.