राजन साळवी यांनी ड्रायव्हरची कॉलर धरत बसखाली उतरवलं. त्याला जाब विचारला. राजन साळवी यांनी यावेळी बस कंडक्टरला धारेवर धरलं. तुम्हाला समजत नाही का? तू सुद्धा प्यायला आहेस का? तू बस वाहक आहेस ना? असे सवाल राजन साळवी यांनी केले. त्यावर बस कंडक्टर हो वाहक आहे, असं म्हणतो. कंडक्टर आपली बाजू मांडण्याचा प्रयत्न करतो. यावेळी राजन साळवी गाडीत किती जण प्रवास करत होते? असा प्रश्न विचारतात. त्यावर बसने प्रवास करणारे प्रवाशी आकडा सांगतात. जवळपास 35 प्रवाशी होते. त्यापैकी काही जणांची आम्ही दुसऱ्या गाडीने व्यवस्था केली, असं एक जण व्हिडीओत बोलताना दिसतोय.

रत्नागिरी : मद्यप्राशन केलेल्या एसटी चालकाला राजन साळवी यांचा शिवसेना स्टाईल दणका pic.twitter.com/nMg1J4zQsT

— Maharashtra Times (@mataonline) May 11, 2025

राजन साळवी यांनी कंडक्टरलाही सुनावलं

गरीब लोकांचा जीव महत्त्वाचा नाही का? असा जाब राजन साळवी बस कंडक्टरला विचारतात. तसेच बस ड्राईव्हरला दारु न पिण्यास सांगणं ही तुमची जबाबदारी आहे. तुमच्यासमोर तो प्यायला असेल ना? अशा शब्दांत राजन साळवी कंडक्टरला सुनावतात. त्यावर आपल्यासमोर ड्रायव्हर दारु प्यायला नाही, असं बस ड्रायव्हर आपली बाजू मांडतो. आईशप्पथ मला माहितीच नाही, असं ड्रायव्हर म्हणतो. गाडीचा वेळ हा साडेतीनचा आहे. मी अडीच वाजता डेपोत आलोय. मी अडीच वाजेपासून ड्रायव्हरची वाट पाहतोय. तुम्ही ह्यांचं तिकीट बघा. मी 4.20 ला तिकीट दिलंय. ड्रायव्हर आल्याबरोबर गाडीच्या स्टेरिंगवर बसले आणि त्यांनी गाडी सुरु केली, असं बस कंडक्टर राजन साळवी यांना बोलतो.