व्यसनाच्या आहारी गेलेल्या तीन अल्पवयीन मित्रांनी महेश यांच्याकडे सिगारेट आणि माचिस मागितली होती. मात्र ती दिली नाही म्हणून त्यांनी महेश याचा कोयत्याने वार करून खून केला. अशी माहिती देण्यात आली. पोलिसांनी आरोपींचा तपास करताना पोलिसांना माहिती मिळाली की, आरोपी हे मोरेवस्ती, मोरया कॉलनी येथील न्यू गोल्डन बेकरीच्या मागील पत्र्याच्या शेडमध्ये बसले आहेत. त्यानुसार, पोलिसांनी सापळा रचून तिन्ही अल्पवयीन आरोपींना ताब्यात घेतले. या घटनेत आरोपीनी वापरलेला कोयता पोलिसांनी जप्त केला आहे. अधिक तपास पोलिसांकडून सुरू आहे.
Bhiwandi News: काहीही होऊ दे पाठिंबा तर फक्त… ऑपरेशन सिंदूरनंतर भारतविरोधात पोस्ट, भिवंडीतून तरुणाला अटक
दुसरीकडे, मुंबईतील गोरेगाव येथील 63 वर्षीय महिलेचा मृतदेह राहत्या घरातील लोखंडी पलंगाच्या आत आढळल्याने खळबळ उडाली. ही घटना बुधवारी उघडकीस आली. महिलेचा 65 वर्षीय जोडीदार प्रदीप बास्कोटी तीन दिवसांपासून बेपत्ता आहे. त्यामुळे पोलिसांना त्याच्यावर संशय वाढला आहे. गुरुवारी शवविच्छेदन अहवालात रागिणी सावरडेकर यांचा गळा दाबून खून झाल्याचे उघड झाले. पोलीस संशयिताचा शोध घेत आहेत.