Satara youth drowns: तळकोकणात सिंधुदुर्ग जिल्ह्यात तारकर्ली समुद्र किनारी काही वेळापूर्वी मोठी दुर्दैवी घटना घडली आहे. तारकर्ली समुद्रकिनाऱ्यावर साताऱ्यातील तीन युवक बुडाले होते त्यापैकी दोघांना वाचवण्यात यश आल आहे. एकाचा दुर्दैवी अंत झाला.
ऋषिकेश वाघमोडे,आकाश ढेबले,ओंकार शेलार रोशन फडतरे, प्रतीक केंजळे, सुमित जाधव हे सहाय्यजन साताऱ्यातून मालवण तारकर्ली परिसरात पर्यटनाचा आनंद घेण्यासाठी आले होते. त्यात तीन जण बुडाले त्यावेळी तारकर्ली येथील वैभव सावंत व गणपत मोंडकर या स्थानिक वॉटर स्पोर्ट्सचा व्यवसाय असणाऱ्या या दोन स्थानिकांनी आपल्या जीवाची परवा न करता समुद्रात जाऊन साताऱ्यातून आलेल्या दोघांचा जीव वाचवला आहे. . या सहाजणांपैकी साताऱ्यातून आलेला ऋषिकेश दारासिंग वाघमोडे व 24 हा अद्याप बेपत्ता आहे. दरम्यान ओंकार शेलार व आकाश ढेबले या दोन युवकांना वाचवण्यात यश आले तर एकाचा मृत्यू झाला. त्याअगोदर रोशन, प्रतीक व सुमित हे तिघेही समुद्र किनाऱ्यावरती सुखरूप परतले होते मात्र त्यांच्याबरोबर गेले तिघेजण अडकले त्यावेळी यांनी आपल्या मित्रांना वाचवण्यासाठी आरडाओरडा केल्यावर स्थानिक तरुणांच्या हा सगळा प्रकार लक्षात येतात त्यांनी तातडीने मदतीसाठी धाव घेतली.
वाचवण्यात आलेल्या सगळ्यांना मालवण येथील शासकीय रुग्णालयात तपासणीसाठी दाखल करण्यात आल असून वाचवण्यात आलेल्या त्या दोघांची प्रकृती सुखरूप आहे. रांजेश्वर वॉटर स्पोर्ट्स, जय गणेश स्कुबा ड्रायविंग,गजानन स्कुबा ड्रायविंग चे वैभव सावंत व गणपत मोंडकर यांच्या धाडसी कामगिरीमुळे साताऱ्यातून आलेल्या दोघांचा जीव वाचला आहे. या घटनेची माहिती मिळताच मालवण तारकर्ली पोलिसांनीही घटनास्थळी धाव घेतली.
सध्या या सिंधुदुर्गातील वॉटर स्पोर्ट्स समुद्रातील वातावरण खराब असल्याने बंद ठेवण्यात आले आहेत. मात्र तरी पर्यटकांना दिलेल्या सूचना पर्यटक पाळत नाहीत व समुद्रात जाण्याचा मोह अनेकांना आवरत नाही त्यामुळे अशा स्वरूपाच्या दुर्दैवी घटना घडतात अशी प्रतिक्रिया स्थानिकांकडून व्यक्त होत आहे.