Jalgaon Marathi News : जळगाव जिल्ह्यातील अमळनेरचे जवान शांताराम सोनवणे, मुलीच्या वाढदिवसासाठी सुट्टीवर आले असताना, युद्धजन्य परिस्थितीमुळे त्यांना तातडीने कर्तव्यावर परतण्याचे आदेश आले. चार तासांच्या आत त्यांनी वाढदिवस साजरा केला आणि देशसेवेसाठी ते तत्काळ रवाना झाले. जम्मूत कार्यरत असलेल्या शांताराम यांनी कर्तव्य भावनेतून कुटुंबापेक्षा देशाला प्राधान्य दिले. त्यांच्या या त्यागपूर्ण निर्णयामुळे परिसरातून त्यांच्यावर कौतुकाचा वर्षाव होत आहे.
Jalgaon News : फौजी होणं सोपं नाही गड्या! मुलीच्या वाढदिवसासाठी स्पेशल रजा, घरी येताच फोन वाजला अन् केक कापून जवान ४ तासात माघारी
घरी परतल्यानंतर शांताराम प्रताप सोनवणे यांच्या घरी आनंद होता. मात्र त्यांना काय ठाऊक होते की अवघ्या चार तासातच आपल्याला देश सेवेसाठी हजर राहण्याचा कॉल येईल आणि त्यांना ड्युटीवर हजर राहण्याचे आदेश येतील. चार तासाचा त्यांनी मुलीचा वाढदिवस केक कापून साजरा केला चार तास परिवारासोबत राहिला मिळाले याचा देखील त्यांना एक आनंद होता. मात्र दुसरीकडे भारत पाकिस्तान युद्धजन्य परिस्थिती निर्माण झाली आहे ते आधी कर्तव्य आहे म्हणून त्यांनी लागलीच चार तासात त्यांचे घर सोडले आणि ते सेवेसाठी रवाना झाले.
जळगाव जिल्ह्यातील अमळनेर तालुक्यातील ढेकू सिम येथील शांताराम प्रताप सोनवणे वय 42 कन्येच्या वाढदिवसासाठी ते घरी परतले होते जम्मू-काश्मीर मध्ये सुरक्षा दलात ते कार्यरत आहेत. तिवारी ते अमळनेर येथे त्यांच्या गावी पोहोचले आणि काही वेळातच त्यांना कॉल आला युद्धजन्य परिस्थितीमुळे तुम्हाला तात्काळ ड्युटीवर हजर राहावे लागेल. त्यांनी कन्येचा वाढदिवस तात्काळ साजरा करून चार तासातच त्यांनी घरातून काढता पाय घेतला.
दरम्यान, वडील घरी आल्याचा आनंद लेकीला गगनात मावेनासा झाला होता. मात्र तिला काय ठाऊक होते की वडील हे फक्त चार तासासाठीच आपला वाढदिवस साजरा करण्यासाठी घरी आले होते. असे असताना देखील परिवारातील सदस्यांनी लेकीचा वाढदिवस उत्साहात साजरा केला पण देशसेवा आधी महत्त्वाची असल्याने शांताराम सोनवणे यांनी ज्या भूमीत जन्मलो त्या भूमीचं रक्षण करण्याचा आजचा दिवस आला आहे त्यामुळे देश सेवा आधी महत्त्वाची असल्याचं म्हटलं आहे.