अशफाक शेख (वय ४२) व त्यांचा मुलगा अलमस अल्ताफ शेख (वय १५, दोघे रा. पुणे) असे अपघातात ठार झालेल्या दोघांची नावे आहेत. ते केज येथे काही कामानिमित्त प्रवास करत होते. रात्री एक वाजण्याच्या सुमारास पाटोदा शहराजवळील बामदळ वाडा परिसरात हा अपघात घडला. स्विफ्ट कार वेगात असताना चालकाचे वाहनावरील नियंत्रण सुटले आणि कार थेट पुलाच्या कठड्याला जाऊन धडकली. त्यानंतर दोन ते तीन वेळा पलटी होऊन ट्रॅव्हल्स वाहनावर आदळली. धडकेत कारचा अक्षरशः चक्काचूर झाला आणि दोघांचाही जागीच मृत्यू झाला. घटनास्थळी पोलीस उपनिरीक्षक भडके व बीट अंमलदार सचिन तांदळे यांनी तातडीने भेट देऊन पाहणी केली. व मृतदेह बाहेर काढून उत्तरीय तपासणीसाठी ग्रामीण रुग्णालय येथे दाखल करण्यात आले होते.
Mumbai Police: दादर चौपाटी बंद राहणार? समुद्रकिनारी जाण्यास मनाई? मेसेज व्हायरल होताच मुंबई पोलिसांचं स्पष्टीकरण
दुसरीकडे, पुणे जिल्ह्यातील शिक्रापूर-तळेगाव महामार्गावर शुक्रवारी रात्री भीषण अपघात झाला आहे. पीएमपीएल बस आणि दुचाकीच्या समोरासमोर धडकेत तीन जिवलग मित्रांचा जागीच मृत्यू झाला. या घटनेने परिसरात हळहळ व्यक्त केली जात आहे.
Pune News : खळबळजनक! पिंपरी रेल्वे स्थानकाजवळ भंगाराच्या दुकानात आढळले बॉम्ब शेल, नागरिकांमध्ये दहशत, बॉम्ब नाशक पथक दाखल
प्रथमेश नंदकुमार शेलार (वय १८), हर्षल दिगंबर घुमे (वय १९) आणि आयुष अतुल जाधव (वय १६) यांचा समावेश आहे. यापैकी दोन तरुण तळेगाव ढमढेरे येथील, तर एक मावळ येथील रहिवासी होता. पोलिसांनी दिलेल्या माहितीनुसार, हे तिघे मित्र शुक्रवारी रात्री एकाच दुचाकीवरून तळेगाव ढमढेरे येथे जात होते. त्रिमूर्ती गार्डन मंगल कार्यालयासमोर त्यांनी समोरील वाहनाला ओव्हरटेक करण्याचा प्रयत्न केला. यावेळी समोरून येणाऱ्या पीएमपीएल बसने दुचाकीला जोरदार धडक दिली. या धडकेत तिघांचाही जागीच मृत्यू झाला.