परवानगीशिवाय ड्रोन उडवणे कायदेशीर गुन्हा मानला जाईल –

गेल्या दोन दिवसांपासून पाकिस्तानकडून ड्रोनच्या माध्यमातून भारतीय सीमेत घुसखोरीचे प्रकार वाढले आहेत. याच पार्श्वभूमीवर पुणे शहरात कोणत्याही प्रकारचा ड्रोन परवानगीशिवाय उडवू नये, असे आवाहन पोलिसांकडून करण्यात आले आहे. दरम्यान, ‘कोणताही वैवाहिक समारंभ, चित्रिकरण, जाहिरात, रस्ता सर्व्हे किंवा अन्य कोणत्याही कारणासाठी ड्रोनचा वापर करायचा असल्यास, संबंधितांनी स्थानिक पोलिस ठाण्याशी संपर्क साधून अधिकृत परवानगी घ्यावी. परवानगी न घेता ड्रोन उडवणे कायदेशीर गुन्हा मानला जाईल,’ असे नमूद करून पोलिसांनी नागरिकांना सहकार्य करण्याचे आवाहन केले आहे.
Khichdi Scam : २४ रुपयांच्या पाकिटांसाठी ३३ रुपये, खिचडीत १४.५७ कोटींचा गैरव्यवहार; आठ आरोपिविरुद्ध आरोप निश्चित
देशाच्या सुरक्षेसाठी घेतल्या जाणाऱ्या उपाययोजनांना नागरिकांनी सकारात्मक प्रतिसाद द्यावा. कोणतीही संशयास्पद हालचाल आढळल्यास तत्काळ पोलिसांना माहिती द्यावी, असेही पोलिस अधिकाऱ्यांनी सांगितले आहे.

शहरात बंदोबस्त वाढवला

युद्धजन्य परिस्थितीमुळे शहरातील महत्त्वाच्या ठिकाणी बंदोबस्तात वाढ करण्यात आली आहे. गुरुवारी पाकिस्तानाने सीमावर्ती भागात क्षेपणास्त्रे डागली. त्यानंतर रात्रीपासून शहरातील बंदोबस्तात वाढ करण्यात आली आहे. श्रीमंत दगडूशेठ हलवाई गणपती मंदिर, विविध लष्करी संस्था, संशोधन संस्थांच्या परिसरात बंदोबस्त वाढविण्यात आला आहे.
गगनयान मोहिमेच्या ग्रुपचे कॅप्टन अजित कृष्णन यांना परत बोलावलं, India-Pakistan Tension दरम्यान मोठा निर्णय

अफवांवर विश्वास ठेवू नये

‘समाज माध्यमातून प्रसारित करण्यात येणाऱ्या मेसेजची खातरजमा करणे गरजेचे आहे. नागरिकांनी अफवांवर विश्वास ठेवू नये, कोणताही अनुचित प्रकार घडल्यास पोलिसांना माहिती द्यावी. समाजमाध्यमातील संदेशांवर बारकाईने नजर ठेवावी,’ असे आवाहन पोलिस आयुक्त अमितेशकुमार यांनी केले आहे. सायबर सुरक्षा विचारात घेऊन समाज माध्यमातून प्रसारित करण्यात येणाऱ्या संशयास्पद गोष्टींकडे दुर्लक्ष करावे. शक्यतो अशा फाइल उघडू नयेत, असे आवाहनही करण्यात आले आहे.

लेझर, बीम लाइट सोडण्यास बंदी

लोहगाव येथे हवाई दलाचा तळ आहे; तसेच नागरी विमानतळ आहे. विमानतळापासून १५ किलोमीटर अंतराच्या परिघात बीम लाइट, लेझर, बीम लाइट सोडण्यास बंदी घालण्यात आली आहे. युद्धजन्य परिस्थिती विचारात घेऊन सहपोलिस आयुक्त रंजनकुमार शर्मा यांनी याबाबतचे आदेश दिले आहेत.

शहरात विविध कारणास्तव ६६ ड्रोन उडवताना संबंधितांना पोलिसांची परवानगी आवश्यक आहे. परवानगी घेऊनच ड्रोनचा वापर करता येणार आहे. काही संवेदनशील भागात ड्रोन उडवण्याला आधीपासूनच बंदी आहे, अशी माहिती पुणे शहर, पोलिस आयुक्त, अमितेशकुमार यांनी दिली आहे.