जम्मू काश्मीर येथील श्रीनगर येथील अपघातात नांदेडच्या सचिन वनंजे या जवानाला वीरमरण प्राप्त झालं.6 मे रोजी श्रीनगर येथे आठ फूट खोल दरीत वाहन कोसळल्याने कर्तव्यावर २९ वर्षीय सचिन वनंजे यांचा मृत्यू झाला.तांत्रिक बाबी पूर्ण झाल्यानंतर काल रात्री सचिन याचं पार्थिव देगलूर येथे आणण्यात आला. नांदेड जिल्ह्यातील देगलूर येथे शासकीय इतमामात आज त्यांच्यावर अंत्यसंस्कार करण्यात आले. यावेळी लोकप्रतिनिधींसह हजारो नागरिकांनी अंत्यविधीला हजेरी लावली होती. आपल्या आठ महिन्याच्या मुलीला कडेवर घेऊन पत्नीने आपल्या पतीला अखेरचा निरोप दिला. सचिन यांना अखेरचा निरोप देताना पत्नी, भाऊ आणि आई वडिलांना अश्रू अनावर झाले होते.