हेमा (बदललेले नाव, मूळ रा. हिंगणघाट), असे मृतकाचे नाव आहे. पोलिसांनी खुनाचा गुन्हा दाखल करून मारेकरी प्रियकराला अटक केली आहे. अक्षय प्रभाकरराव दाते (वय २६, रा. हजारीपहाड) असे अटकेतील मारेकऱ्याचे नाव आहे. हेमा ही एका बिल्डरकडे रिसेप्शनिस्टचे काम करायची. दाभ्यातील अपार्टमेंटच्या तळमजल्यावरच बिल्डरचे कार्यालय आहे. अक्षय हा बिग बास्केटमध्ये काम करतो.गेल्या तीन वर्षांपासून हेमाचे अक्षयसोबत प्रेमसंबंध होते. दोघेही पळून नागपुरात आले. ते लग्न करणार होते. दरम्यान, हेमाचे अन्य युवकासोबत प्रेमसंबंध असल्याची कुणकुण अक्षयला लागली. एकदा ती एका तरुणासोबत बोलत असल्याचेही अक्षयने बघितले. त्याचा संशय बळावला.
Gondia News: सर्व मित्र पास झाले, मीच नापास; नैराश्यातून बारावीच्या विद्यार्थ्याने वाढदिवशीच संपवलं जीवन
मंगळवारी सायंकाळी तो अपार्टमेंटमध्ये आला, तेथे हेमासोबत वाद घातला. वाद विकोपाला जाताच लोखंडी रॉडने हेमाच्या डोक्यावर वार केला. रक्ताच्या थारोळ्यात हेमा खाली कोसळली. अक्षय पसार झाला. घटनेची माहिती मिळताच ठाणेदार कैलास देशमाने यांच्यासह पोलिसांचा ताफा तेथे पोहोचला. पोलिसांनी जखमी हेमाला मेयो रुग्णालयात दाखल केले. उपचारादरम्यान तिचा मृत्यू झाला. पोलिसांनी खुनाचा गुन्हा दाखल केला. शोध घेऊन अक्षयला अमरावती येथून अटक केली.
Nagpur BJP: फडणवीस-गडकरींच्या बालेकिल्ल्यात भाजपने कंबर कसली; महापालिकेच्या १५१ पैकी १२१ जागांचे टार्गेट
दुसरी घटना- भरधाव ट्रकने युवकाला चिरडले, मित्र जखमी
नागपूर : भरधाव ट्रकने मोटारसायकलला धडक दिल्याने युवक ठार तर त्याचा मित्र जखमी झाला. ही घटना नंदनवन पोलिस ठाण्याच्या हद्दीत घडली. देवांश रमेश पाटील (वय २५, रा. बन्सीनगर, हिंगणा रोड) असे मृतकाचे नाव तर आयुष बाळू तिडके (वय २५, रा. आंबेडकरनगर, वाडी) असे जखमीचे नाव आहे. मंगळवारी सकाळी ११ वाजताच्या सुमारास आयुष व देवांश हे दोघे एमएच-४०-बीझेड-५८९९ या क्रमांकाच्या मोटारसायकलने लग्नाकरिता बिडगावला जात होते.