आकाश सुनील साबळे (वय ३०, रा. माढा कॉलनी, नागपाल रोड, चंदननगर) असे खून झालेल्या तरुणाचे नाव आहे. या प्रकरणी प्रशांत सदाशिव माने याने फिर्याद दिली आहे. त्यावरून शशिकांत मच्छिंद्र घोरपडे (वय ३४, रा. खुळेवाडी), रोहित आनंद मोरे (वय २३, रा. वडगाव शेरी) आणि यश रघुनाथ डांगे (वय २१, रा. केसनंद) यांच्यावर खुनाचा गुन्हा दाखल करण्यात आला आहे. रंगपंचमी खेळून झाल्यावर आणि हॉटेलमध्ये पार्टी झाल्यावर मृत्यू झालेल्या तरुणाचा शवविच्छेदन अहवाल नुकताच प्राप्त झाला. त्यात तरुणाचा गळा दाबून मृत्यू झाल्याचे कारण डॉक्टरांनी दिले आहे. त्यामुळे पोलिसांनी अकस्मात मृत्यूवरून सोबत असणाऱ्या मित्रांविरोधात खुनाचा गुन्हा दाखल केला आहे. पोलिसांनी तिन्ही आरोपींना अटक केली असून, पुढील तपास सुरू असल्याचं येरवडा विभाग सहायक पोलिस आयुक्त प्रांजली सोनावणे यांनी सांगितलं.
Pune News : मित्रांसोबतचा मॉर्निंग वॉक अखेरचा ठरला, मधमाशांच्या हल्ल्यात उपसरपंचाचा मृत्यू, मावळात हळहळ

घटना नेमकी काय ?

आकाश साबळे, रोहित मोरे आणि यश डांगे हे मित्र आहेत. शशिकांत घोरपडे रिक्षाचालक आहे. १४ मार्च रोजी तिघे मित्र रंगपंचमीनिमित्त खराडी परिसरात भेटले होते. घोरपडेच्या रिक्षातून साबळे आला होता. रंग खेळून झाल्यावर सायंकाळी चौघे पठारे वस्ती परिसरातील एका हॉटेलमध्ये पार्टीसाठी गेले. बाहेरून बिर्याणी ऑर्डर केल्यावर सर्वांनी दारूची पार्टी केली.
Pune News : पुण्यात दहशतवाद विरोधी पथकाची मोठी कारवाई; ओतूर येथून दोन बांगलादेशी युवक ताब्यात
पार्टी झाल्यावर एकापाठोपाठ एक मित्र निघून गेले. साबळे हॉटेलमध्येच राहिला. दुसऱ्या दिवशी खोलीचा दरवाजा उघडत नसल्याने हॉटेल व्यवस्थापनाने ‘मास्टर की’ने दरवाजा उघडला. त्या वेळी साबळे बेडवर मृतावस्थेत पडल्याचे आढळले. चंदननगर पोलिसांना माहिती मिळताच घटनास्थळी धाव घेऊन त्यांनी मृतदेह ससून रुग्णालयात हलविला. या प्रकरणी चंदननगर पोलिसांनी अकस्मात मृत्यूची नोंद केली होती. पोलिस निरीक्षक स्वाती खेडकर अधिक तपास करीत आहेत.