काळाणे यांनी त्या कामाच्या बिलाचा १४,९६,००० रुपयांचा पहिला चेक देताना मागितलेल्या ६०,००० रुपयांपैकी ३०,००० रुपये तक्रारदाराकडून रोख घेतले. तक्रारदाराने केलेल्या कामाचे उर्वरित १,५०,००० रुपयाचे बिल काढण्यासाठी लोकसेवक काळाणे तक्रारदाराकडे उरलेली ३०,००० रुपयाची लाच रक्कम वारंवार मागत असल्याची तक्रार लाचलुचपत प्रतिबंधक विभागाकडे केली होती.

त्यानुसार बुधवारी विभागाने सापळा रचला. यामध्ये बंधाऱ्याच्या कामाचे उर्वरित बिल मंजूर करुन देण्यासाठी पळशी ग्रामपंचायतचे हद्दीत सार्वजनिक रस्त्यावर काळाणे यांना तक्रारदाराकडून २५,००० रुपयाची लाच पंचासमक्ष स्विकारताना रंगेहाथ पकडण्यात आले. त्यांचे विरुद्ध वडगांव निंबाळकर पोलीस ठाण्यात भ्रष्टाचार प्रतिबंध अधिनियमनुसार गुन्हा नोंद करण्याची प्रक्रिया सुरु आहे.

रोहामध्ये तलाठी १० हजारांची लाच घेताना रंगेहात अटक

रायगड जिल्ह्यातील रोहा तालुक्यात सरकारी भ्रष्टाचाराला ऊत आला आहे. भालगाव येथील तलाठी फिरोज मुजावर याला १०,००० रुपयांची लाच घेताना नवी मुंबई अँटी करप्शन विभागाने रंगेहात अटक केली आहे. ही कारवाई ६ मे 2025 रोजी करण्यात आली. आता रोह्यातील सरकारी कार्यालये म्हणजे लाचखोरीची दुकाने आणि लोकसेवक म्हणजे जनतेला लुबाडणारे बनले असल्याचा आरोप नागरिकांमध्ये थेट व्यक्त होतो आहे. मोजे कांडणे येथील शेतजमिनीवरील वारस नोंदीसाठी तक्रारदाराने तलाठी कार्यालयात अर्ज केला होता. मात्र तलाठी फेरोज मुजावर याने या कायदेशीर कामासाठी तब्बल १५,००० रुपयांची लाच मागितली. त्यातील ५,००० रुपये गुगल पे द्वारे आधीच घेतले होते. उर्वरित १०,००० रुपये घेताना नवी मुंबई अँटी करप्शनच्या पथकाने त्याला रंगेहात पकडले. पंचसाक्षीदारांच्या उपस्थितीत सापळा यशस्वी झाला.

अलिबागमध्ये देखील तलाठी एसीबीच्या जाळ्यात

रायगड जिल्ह्यातील रेवदंडा येथील मौजे आगरकोट येथे असलेल्या जागेवर वारस नोंद करण्यासाठी पाच हजार रुपयाची लाच स्वीकारताना तलाठी वसुंधरा धोंडू धुमाळ(वय-54 वर्षे) तर लाचेची उर्वरित राहिलेली पाच हजार रुपयांची रक्कम नंतर देण्यासाठी इशारा करणारा लाचखोर मंडलाधिकारी विजय विश्वनाथ मापुसकर(वय-57) या दोघांना रायगडच्या लाचलुचपत प्रतिबंधक विभागाने ताब्यात घेत कारवाई केली आहे.