मस्साजोगचे दिवंगत सरपंच संतोष देशमुख यांच्या हत्या प्रकरणाला पाच महिने झाले आहेत. मंगळवारी (६ मे) देशमुखांचं पाचवं मासिक होतं आणि त्याच दिवशी त्यांच्या लाडक्या लेकीचा वैभवीचा वाढदिवस असतो. वडिलांच्या हत्येनंतर कुटुंबाची ढाल बनून लढणाऱ्या वैभवीचा आज खास दिवस होता, पण वाढदिवसालाच वडिलांचं मासिक करावं लागतंय यापेक्षा दुर्दैवाची गोष्ट काय.. देशमुखांसाठी निघालेल्या मोर्चा अन् आंदोलन सहभागी होऊन सुद्धा वैभवीनं बारावीत ८५ टक्के गुण मिळवले, ज्यासाठी अवघ्या महाराष्ट्रभरातून तिचं कौतुक केलं जातंय.