बीड जिल्ह्यातील मस्साजोगचे दिवंगत सरपंच संतोष देशमुख यांची कन्या वैभवी देशमुख हिने बारावीच्या परीक्षेत घवघवीत यश मिळवलं. अत्यंत कठीण, आव्हानात्मक परिस्थितीला सामोरं जात वैभवीनं बारावी परीक्षेत विज्ञान शाखेतून 85.33 टक्के गुण मिळवले. वैभवीचे हे यश पाहून मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि खासदार सुप्रिया सुळे यांनी फोन करून वैभवीचं अभिनंदन केलं. हे यश मिळवल्याबद्दल उपमुख्यमंत्री अजित पवार यांनी देखील वैभवीचं अभिनंदन केलंआहे. वैभवीसाठी खास पत्र पाठवून अजित पवारांनी तिचं कौतुक केलं आहे.