दोन तरुणांचा मृत्यू झाल्याने परभणी शहरात हळहळ व्यक्त केली जात आहे. दुसरीकडे बेशिस्त वाहतूक आणि ट्राफिक पोलिसांच्या हलगर्जीपणाविषयी मात्र प्रचंड चीड व्यक्त होतंय. स्वप्निल लहाने राहणार लक्ष्मी नगर जुना पेडगाव रोड परभणी हा तरुण पुणे येथे सॉफ्टवेअर इंजिनिअर म्हणून एका कंपनीत कामाला होता. काही महिन्यानंतर तो आपल्या परिवारासह विदेशात देखील जाणार होता.
Beed News : कांदा काढणीसाठी महिला मजुरांना घेऊन पिकअप निघाला, वाटेत टायर फुटला अन् अनर्थ घडलापरभणीत आला आणि मित्रांना भेटण्यासाठी गेला असता काळाने घातला घाला

संध्याकाळी मित्रांना भेटण्यासाठी तो घराबाहेर पडला मोटार सायकलवरून निघाल्यानंतर परभणीच्या उड्डाण पुलावरून जात होता तर बस स्थानकाकडून मोटार सायकलवर कृष्णा दिलीप जगताप वय 25 वर्ष हा युवक उड्डाणपुलाकडे येत होता. गाडीला ओव्हरटेक करण्याच्या नादात दोन मोटरसायकलचा जोरदार धडक बसली. अपघाताची माहिती मिळताच लोकांनी घटनास्थळी धाव घेतली.

परभणी शहरात अपघातांचे सत्र सुरूच सिग्नल यंत्रणा सुरू नाहीच

एका मोटार सायकलवर दोघेजण तर दुसऱ्या मोटरसायकलवर तिघेजण होते. नागरिकांनी अपघातात जखमी झालेल्यांना लगेचच जिल्हा रुग्णालयात दाखल केले. मात्र, त्यापूर्वीच दोघांचा मृत्यू झाला होता. घटनेची माहिती मिळताच कोतवाली पोलीस ठाण्यातील कर्मचारी घटनास्थळी दाखल झाले. दरम्यान उड्डानपुलावर काही दिवसांपासून अपघाताचे सत्र सुरुच असल्याचे बघायला मिळतंय. परभणी शहरात वाहतूक सिग्नल यंत्रणा अद्यापही सुरू नाहीये. यामुळे अपघात मोठा प्रमाणात वाढताना दिसत आहेत.