“खूप धिंगाणा होऊन जाईल. कारण मी आज फोटो बघितले. तिकडचे वॉशरुम इतके अस्वच्छ आहेत की कोणताही गरीब पेशंट किंवा कुणीही तिकडे जाऊ शकत नाही. स्वच्छतेचं कंत्राट ज्यांनी घेतलं आहे ते काय करत आहेत? मी काय करु, मला समजतच नाही. सरकार एवढ्या मोठ्या प्रमाणात कंत्राटाचे पैसे देते आणि एकही माणूस तिथे जाऊ शकत नाही. एवढ्या उन्हात ते कुठे जातील?”, असा सवाल नवनीत राणा यांनी केला.

‘…तर धिंगाणा करुन टाकेन’

“मी आता तिथे आली तर धिंगाणा करुन टाकेन. कंत्राटदार कोण आहे? रेग्यूल साफसफाई करणारे कोण आहेत? आज जर साफसफाई झाली नाही, मला रेग्युलर साफसफाई करणाऱ्यांचे संध्याकाळी फोटो पाहिजेत. सीरियस पेशंटचे तिथे सिटीस्कॅन होत नाही? कुठे चालू आहे? आमचे तिथे चार-चार लोकं हॉस्पिटलचे कामं करणारे आहेत. चार-चार लोकं मला आपल्या एका पेशंटचं अर्जंट सिटीस्कॅन करायचं आहे, असं सांगतात तर सिटीस्कॅन होत नाही. अरे कालपासून एक पेशंट दाखल आहे. त्याचा सिटीस्कॅन होत नाहीय. का होत नाही म्हणून त्यांना विचारा”, अशा शब्दांत नवनीत राणा यांनी सुनावलं.

नवनीत राणा यांचा अमरावती जिल्हा शल्य चिकित्सकांना दम देताना व्हिडीओ सोशल मीडियावर व्हायरल झाला आहे. नवनीत राणा यांनी स्वत: आपल्या फेसबुक पेजवर हा व्हिडीओ शेअर केला आहे. नवनीत राणा या व्हिडीओत अधिकाऱ्याला धारेवर धरताना दिसत आहेत. यावेळी त्यांना काही कार्यकर्ते तक्रारदेखील करताना दिसत आहेत. त्यांच्या तक्रारीची दखल घेत नवनीत राणा या संबंधित अधिकाऱ्याला जाब विचारताना दिसत आहेत.