नेमकं काय झालं?

पोलिसांकडून प्राप्त माहितीनुसार, मंगळवारी दुपारी तीन वाजता अबू हा चिचभवन येथे राहणाऱ्या मावशीकडे गेला. लघुशंकेला जात असल्याचे सांगून तो पहिल्या माळ्यावर गेला. स्नानगृहात न जाता तो खोलीत गेला. दरवाजा बंद करून पंख्याला दोरी बांधली व गळफास घेतला. अबू न परतल्याने नातेवाइक पहिल्या माळ्यावर गेले. दरवाजा बंद होता. नातेवाइकांनी दरवाजा ठोठावला. त्याने प्रतिसाद दिला नाही. नातेवाइकांनी दरवाजा तोडला असता अबू गळफास लावलेला दिसला. नातेवाइकांनी फास काढून त्याला एम्समध्ये दाखल केले. डॉक्टरांनी तपासून त्याला मृत घोषित केले.
Chandrapur Accident : लेकीच्या लग्नात मिरवलं, दुसऱ्याच दिवशी काळाचा घाला; भीषण अपघातात नववधूच्या आईचा मृत्यू
शेखू याने अविनाश भुसारी व त्याच्या साथीदारांच्या मदतीने पवन हिरणवार व बंटी हिरणवारच्या हत्येचा कट आखला. याबाबत अविनाश याने अबूला माहिती दिली. ही माहिती अबूने बंटी याला दिली. त्यामुळे बंटी संतापला होता. याच दरम्यान खापरखेड्यात शेखू व त्याच्या टोळीने गोळीबार केला. यात पवन हिरणवार याचा मृत्यू झाला, तर बंटी हा जखमी झाला होता. पवनच्या हत्येचा बदला घेण्यासाठी पवन याने प्रवेश व त्याच्या साथीदारांच्या हत्येचा कट आखला. 14 एप्रिलला दोघेही त्याला सापडले नाहीत. 15 एप्रिलला अविनाश हा कॅफेसमोर उभा असल्याचे बंटीला दिसले.

अबू याला अविनाशने हत्या होणार असल्याचे सांगितले होते, असे बंटीच्या लक्षात आले. त्यामुळे बंटी व त्याच्या साथीदारांनी पिस्तुलातून गोळ्या झाडून अविनाशची हत्या केली. अविनाशच्या हत्येप्रकरणात पोलिसांनी बंटी व त्याच्या साथीदारांना अटक केली. चौकशीदरम्यान अबूचे नाव समोर आले. त्यामुळे पोलिसांनी त्याची चौकशी केली. सूचनापत्र देऊन त्याला सोडले.
अहो हा आपला आल्हाद नाहीये! परदेशात लेकराचा मृत्यू, आई-वडील रोज रडायचे, महिनाभराने पार्थिव घरी, मात्र बॉडी भलत्याची
अविनाशच्या खुनात आपल्याही अटक होईल, अटक झाली नाही तर अविनाश भुसारी याची टोळी आपल्याला ठार मारेल, अशी भीती अबूला वाटायला लागली. त्यामुळेच त्याने आत्महत्या केल्याचा दावा पोलिसांनी केला.