जालना जिल्ह्यातील डोमेगाव येथील शिपाई बाबासाहेब शेळके यांनी…समाजसेवेचा एक विलक्षण आदर्श उभा केला आहे. गावातील महिलांना उघड्यावर शौचास जावे लागते हे पाहून…त्यांनी स्वतःच्या खर्चाने २०५ मोफत शौचालयं बांधली. यासाठी त्यांनी दीड एकर जमीन विकली, पत्नीचं मंगळसूत्र आणि बँकेतून कर्ज काढून खर्च केला.त्याचबरोबर गावाच्या भीषण पाणीटंचाईवर मात करत त्यांनी किराणा दुकानातून…साठवलेले पैसे वापरून दोन बोअरवेल घेतल्या आणि नळांद्वारे घराघरात पाणी पोहचवलं.आत्तापर्यंत त्यांनी १० हजार झाडं लावून त्यांचं संगोपन केलं आहे.पत्नी आणि तीन मुलं हे सर्व समाजकार्यात त्यांना आधार देतात. त्यांच्या मुलांना डॉक्टर, IAS अधिकारी आणि समाजप्रबोधन करणारा कार्यकर्ता होण्याची इच्छा आहे.सरकारने आता फक्त गावातील रस्ते सुधारावेत, एवढीच बाबासाहेबांची विनंती आहे.