२२ एप्रिल रोजी पहलगामजवळील मिनी स्वित्झरलँड म्हणून ओळख असलेल्या बैसरन व्हॅलीमध्ये अतिरेक्यांनी पर्यटकांवर गोळीबार केला होता. ज्यामध्ये २६ जणांचा मृत्यू झाला. आणि २० हून अधिक जण जखमी झाले होते. बळींमध्ये २५ भारतीय नागरिक आणि एका नेपाळी नागरिकाचा समावेश होता. या हल्ल्याच्या प्रतिक्रियेत हे निदर्शन आयोजित करण्यात आले होते. बंदी घालण्यात आलेल्या पाकिस्तानच्या लष्कर-ए-तैयबा या दहशतवादी संघटनेची शाखा असलेल्या The Resistance Front सुरुवातीला हल्ल्याची जबाबदारी स्वीकारली होती परंतु नंतर त्यांनी त्यांचे विधान मागे घेतले.

निषेधादरम्यान, विविध समुदायातील सहभागी आपला संताप व्यक्त करण्यासाठी आणि पीडितांना न्याय मिळावा अशी मागणी करण्यासाठी एकत्र जमले. तथापि, निषेधाच्या स्वरूपावरून आणि अंतर्निहित जातीय तणावावरून मतभेद झाल्यामुळे दोन्ही गटातील सदस्यांमध्ये शारीरिक हाणामारी झाली. पोलिसांनी गर्दी पांगवण्यासाठी आणि सुव्यवस्था पूर्ववत करण्यासाठी हस्तक्षेप केला. हिंसक हाणामारीत एका तरुणाला गंभीर दुखापत झाल्याचे वृत्त आहे.

हिंसाचाराच्या पार्श्वभूमीवर, अधिकाऱ्यांनी या संघर्षात सहभागी असलेल्या १५ जणांविरुद्ध FIR दाखल केले आहेत. घटनांचा नेमका क्रम निश्चित करण्यासाठी आणि निदर्शनावेळी झालेल्या हिंसाचारासाठी जबाबदार असणाऱ्यांची धरपकड करण्यासाठी तपास सुरू आहे. कायदा आणि सुव्यवस्था विभागाचे सहपोलीस आयुक्त सत्यनारायण चौधरी म्हणाले की, गुन्हा दाखल करण्यात आला आहे आणि परिस्थिती पूर्णपणे शांत आहे.

दुसरीकडे, जे दहशतवादी यामध्ये सहभागी झाले त्यांच्या घरावर बुलडोझरची कारवाई केली आहे. त्यांना ज्यांनी मदत केली त्यांच्यावर अटकेची कारवाई केली आहे. यामध्ये पाकिस्तानचा हात असल्याचे लक्षात येताच भारताने पाकिस्तानवर कठोर कारवाई केली आहे. सिंधु जल करार रद्द केला आहे. व्यापारही बंद केला आहे.