Pune Budhvar Peth Crime : पुण्यात एक धक्कादायक प्रकार उघडकीस आला आहे. एका विवाहित महिलेला तिच्या सहा वर्षांच्या मुलीसह प्रियकराने वेश्याव्यवसायासाठी बुधवार पेठेत पाच लाखांना विकल्याचा आरोप आहे. या प्रकरणी प्रियकर शफीकल आलम, कुंटणखाना चालक पापा शेख आणि एका पोलीस कर्मचाऱ्याविरुद्ध गुन्हा दाखल करण्यात आला आहे.
पोलिस अधिकाऱ्यावर गुन्हा ?
या प्रकरणात पोलिस दलातील एका व्यक्तीवर गुन्हा दाखल झाला आहे. त्यात पीडितेच्या तक्रारीनुसार त्याची ओळख ‘डिबीवाला’ अशी नमूद करण्यात आलेली आहे. मात्र, ही व्यक्ती अधिकारी पदावरील व्यक्ती असल्याची सूत्रांची माहिती आहे.
पोलिसांनी दिलेल्या माहितीनुसार, आरोपी शफोकल मूळचा आसाममधील आहे. पीडित तरुणी विवाहित असून, तिला एक मुलगी आहे. तिचा पती भाजी विक्रीचा व्यवसाय करतो, त्याला दारू आणि जुगाराचे व्यसन आहे. तो तिला त्रास द्यायचा, शफीऊलने तिला प्रेमाच्या जाळ्यात ओढले त्याने तिला विवाहाचे आमिष दाखविले, तसेन पुण्यात कामाला लावतो असे सांगितले जानेवारी महिन्यात आसाममधून विमानाने पुण्यात आणले त्यानंतर बुधवार पेठेतील कुंटणखाना चालक पापा शेख याला पाच लाख रुपयात विकले, तरुणीला धमकावून दलाल पापा शेख, अधुरा कामली यांनी वेश्याव्यवसायास प्रवृत्त केले.
पोलिसाकडून अत्याचार
आरोपींच्या ओळखीतील एका पोलिसाने तरुणीवर अनैसर्गिक अत्याचार केले. गेले चार महिने हा प्रकार सुरू होता. दरम्यान, तरुणी कामानिमित्त बाहेर पडली होती. बुधवार पेठेत तिची एका सामाजिक कार्यकत्यांची भेट इाली. तिने तिच्यासोबत घडलेल्या प्रसंगाची माहिती त्याला दिली. समाजिक कार्यकत्यांने या प्रकाराला वाचा फोडली त्यानंतर पोलिसांकडे तक्रार देण्यात आली.
लेखकाबद्दलहरिश मालुसरे महाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. क्रीडा, राजकीय आणि क्राईम बातम्यांमध्ये विशेष आवड. झी 24 तास आणि टीव्ही9 मराठीसह पत्रकारिता क्षेत्रात 04 वर्षांचा अनुभव.… आणखी वाचा