या प्रकरणी एमटीएनएलच्या अधिकाऱ्यांनी गोरेगाव पोलीस ठाण्यात अज्ञात व्यक्तीविरोधात गुन्हा नोंदवला आहे. पोलिसांनी चोरीचा तपास सुरु केला आहे. एमटीएनएलचं एक पथक चतुर्वेदी यांच्या तक्रारीनंतर त्यांच्या फोनचं कनेक्शन तपासण्यासाठी गोरेगाव पश्चिमेतील त्यांच्या निवासस्थानी पोहोचलं होतं. त्यावेळी तांब्याची तार चोरी झाल्याचं त्यांच्या लक्षात आलं.
Pahalgam Terror Attack: स्टुडंट व्हिसावर पाकिस्तानात, ६ वर्षे गायब, यंत्रणांना चकवा; पहलगाम हल्ला घडवणारा आदिल कोण?
गोरेगाव पश्चिम टेलीफोन एक्स्चेंजमधून तांब्याची तार चोरीला गेल्याचं तपासणीवेळी अधिकाऱ्यांच्या निदर्शनास आलं. गोरेगाव एक्स्चेंजचे उपव्यवस्थापक गिरीश सावंत यांनी दिलेल्या माहितीनुसार २२ मार्चला खासदार प्रियंका चतुर्वेदी यांनी तक्रार नोंदवली होती. त्यानंतर तपासणी करताना तारेच्या चोरीचा प्रकार उलगडला.

सावंत आणि त्यांच्या टिमनं २४ मार्चला या प्रकरणाचा तपास सुरु केला. खासदार चतुर्वेदी गोरेगावच्या उन्नत नगरमध्ये राहतात. त्यांच्या घरी असलेल्या एमटीएनएलच्या लँडलाईन फोनची सेवा उपलब्ध नव्हती. चतुर्वेदींच्या तक्रारीनंतर एमटीएनएलच्या पथकानं परिसरात पाहणी केली. जमिनीखाली असलेल्या तारांशी छेडछाड करण्यात आल्याचं त्यांच्या लक्षात आलं. पाईपमधून टाकण्यात आलेली तांब्याची तार चोरीला गेली होती.
Pahalgam Terror Attack: आरपारची लढाई होऊ दे! पत्नी, लेकीची कुर्बानी द्यावी लागली तरी बेहत्तर! पाकिस्तानचा जावई भडकला
२,७३६ मीटरच्या तांब्याच्या ८ तारा चोरीला गेल्या होत्या. त्या १९९५ च्या आधी टाकण्यात आल्या होत्या. त्यांचा आताही वापर सुरु होता. १५ ते २२ मार्च २०२५ च्या दरम्यान चोरी झाली असावी, असा संशय सावंत यांनी व्यक्त केला. त्यांनीच या प्रकरणी पोलीस तक्रार नोंदवली आहे.

राज्यात महाविकास आघाडीचं सरकार असताना प्रियंका चतुर्वेदी यांनी काँग्रेसमधून शिवसेनेत प्रवेश केला. आपल्या पक्षप्रवेशाची आठवण चतुर्वेदी यांनी एका माध्यम समूहाला दिलेल्या मुलाखतीत सांगितली होती. तुमच्या रुपात आज मला बहीण मिळाली, असं उद्धव ठाकरे मला म्हणाले होते. माझ्यासाठी तो क्षण महत्त्वाचा होता. मी त्यावेळी भावुक झाले होते, असं चतुर्वेदींनी सांगितलं होतं. शिवसेना प्रवेशानंतर ठाकरेंनी त्यांना राज्यसभेवर संधी दिली. पक्षफुटीनंतरही त्या ठाकरेंसोबत कायम राहिल्या.