Man Drown In Ganpatipule Beach: गणपतीपुळेला फिरायला आलेल्या कोल्हापूरच्या पर्यटकाचा समुद्रात बुडून मृत्यू झाला आहे. लाईफ जॅकेट घातलेलं असतानाही हा पर्यटक समुद्रात बुडाल्याने परिसरात खळबळ माजली आहे.
बुडणाऱ्या पर्यटकाला तात्काळ बाहेर काढलं, रुग्णालयातही नेलं, पण…
हा पर्यटक बुडाल्याचं समजताच स्थानिक तातडीने धावपळ करून त्याला बाहेर काढले. त्यानंतर त्याला जवळच्या प्राथमिक आरोग्य केंद्रात दाखल करण्यात आले. मात्र, तोपर्यंत खूप उशीर झालेला होता. डॉक्टरांनी तपासून या व्यक्तीला मृत घोषित केलं.
Shirish Valsangkar: मनिषा मानेंनी माफीनामा लिहून दिलेला, वकिलाचा दावा, डॉ. वळसंगकरांच्या प्रकरणात नवा ट्विस्ट
मोठ्या लाटेची धडक अन् त्यांचा हात सुटला
याप्रकरणी पोलिसांनी दिलेल्या माहितीनुसार, सुरेश जेवरानी हे त्यांच्या कुटुंबीयांसोबत गणपतीपुळे येथे देवदर्शन आणि पर्यटनासाठी आले होते. ते, त्यांची पत्नी आणि आई समुद्रकिनारी बसले असताना सुरेश जेवरानी यांनी एकटेच लाईफ जॅकेट घालून ड्रॅगन राईड या वॉटर स्पोर्ट्समध्ये सहभाग घेतला. समुद्रात असताना पाण्याची मोठी लाट त्यांच्या ड्रॅगन बोटीला धडकली, त्यामुळे त्यांचा ड्रॅगन बोटीवरील हात सुटला आणि ते समुद्रात पडले.
सुरेश यांनी लाईफ जॅकेट घातलेले असतानाही ते पाण्यात बुडू लागले होते. हे दिसतान बोट व्यावसायिक आणि समुद्रकिनाऱ्यावरील जीवरक्षकांनी त्यांना तातडीने समुद्रातून बाहेर काढले. त्यानंतर त्यांना उपचारासाठी मालगुंड येथील प्राथमिक आरोग्य केंद्रात दाखल करण्यात आले. मात्र, तिथे डॉक्टरांनी त्यांना तपासून मृत घोषित केले. या घटनेची नोंद जयगड पोलीस ठाण्यात करण्यात आली आहे.
कुटुंबासोबत आनंदाने सुट्टी घालवण्यासाठी आलेल्या सुरेश यांचा त्यांच्याच कुटुंबासमोर अशाप्रकारे मृत्यू झाल्याने सर्वत्र हळहळ व्यक्त केली जात आहे. तर, या घटनेने त्यांच्या कुटुंबालाही मोठा धक्का बसला आहे.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा