गिधाडांच्या संवर्धनासाठी महत्त्वाचे पाऊल म्हणून महाराष्ट्र वनविभाग व बॉम्बे नॅचरल हिस्ट्री सोसायटी यांच्या संयुक्त विद्यमाने हा प्रकल्प राबविण्यात येत आहे. दुसऱ्या तुकडीत पाच गिधाडांचा समावेश असून तीन नर व दोन मादी आहेत. प्रत्येक गिधाडाचे स्वतंत्र ओळख क्रमांक व वय नोंदविण्यात आले आहे. नर गिधाडांमध्ये एफ-२४ (सहा वर्षे), एन-१६ (दोन वर्षे), एन-७७ (१.४ वर्षे) तर झेड-२५ (सहा वर्षे) व झेड-३४ (तीन वर्षे) या दोन मादी गिधाडांचा समावेश आहे. सध्या या परिसरात पांढऱ्या पाठीच्या गिधाडांची नैसर्गिक संख्या अस्तित्वात नाही. त्यामुळे ताडोब्यामध्ये सुरू असलेला हा प्रकल्प संवर्धनाच्या दृष्टीने महत्त्वाचे पाऊल ठरत असल्याची माहिती सूत्रांनी दिली.
‘पांढरे सोने’ कवडीमोलच! पिवळ्याचे दर लाखावर पोहचले, काही वर्षांपूर्वी कापूस होता अधिक महाग
प्रधान मुख्य वनसंरक्षक (वन्यजीव) श्रीनिवास राव, ‘बीएनएचएस’चे अध्यक्ष प्रवीणसिंह परदेशी, ‘बीएनएचएस’चे संचालक किशोर रिठे आणि ताडोबा-अंधारी व्याघ्रप्रकल्पाचे क्षेत्र संचालक डॉ. प्रभुनाथ शुक्ला यांच्या मार्गदर्शनाखाली हा प्रकल्प राबविण्यात येत आहे. डॉ. श्रवण सिंह, डॉ. काझवीन उमरीकर, हेमंत बाजपेयी, मयंक बर्डे, मनन महादेव, कोळसाचे वनपरिक्षेत्राधिकारी रुंदन काटकर व त्यांच्या चमूने ही प्रक्रिया पार पाडली.
पाचशे माओवाद्यांना १० हजार पोलिसांचा वेढा! छत्तीसगडच्या विजापूरमध्ये धडक मोहीम, तीन महिलांसह ५ माओवादी ठार
पाच मृत्यू, तीन बेपत्ता तर दोन जिवंत ताडोबा-अंधारी व्याघ्रप्रकल्पात २१ जानेवारी २०२४ रोजी दहा गिधाडांची पहिली तुकडी सोडण्यात आली होती. यापैकी एन-१० व जे-७४ ही दोन गिधाडे जिवंत आहेत. तीन बेपत्ता तर पाच गिधाडांचा मृत्यू झाला आहे